[معلومات العضو ناصر بن فهد]

" الارجنتين في كاس العالم 94 "

شارك بالبطوله 24 منتخب وتقسموا على 6 مجموعات ..
وهذي المجموعات للفايده .. ويهمنا بـ موضوعنا مجموعة التانقو ..



ياروحي يا سعيد العويران



وكان ابرز حدث بالبطوله والضجه اللي صارت وقتهـا ..
ثبوت تعاطي المحشش ماردونا المنشطات وخاصتن مادة الايفيدرين ..
مع انه لعب اول مباراتين بالمجموعات وسجل هدف ضد اليونان ..
لكن بعدها فشل في اختبار المنشطات واستبعد من البطوله

هدف الاسطورة في مرمى اليونان

نجي لـ مشوار التانقو بـ كأس العالم ..



وهذا ترتيب الارجنيتن ..



ومع ذلك تأهلت الارجنتين لـ دور الـ 16 ..
لأنه ذاك الوقت ما اقتصر التأهل على اثنين من كل مجموعه بس ..
وخلوا اللي يتأهل لدور الـ 16 .. اكثر 16 منتخب محصلين نقاط ..
يعني اخذوا الاول والثاني من كل مجموعه .. مع افضل 4 ثوالث بالمجموعات ..
والمركزين اللي طلعوا وهم ثالث على مجموعتهم ..
كوريا الجنوبيه اللي كان رصيدها نقطتين بس ..
وروسيا اللي كان عندها 3 نقاط بس ..
وهم اقل الثوالث بالنقاط وماتأهلوا لـ دور الـ 16 ..

وقابلت الارجنتين بـ دور الـ 16 منتخب رومانيا ..
اللي قدر وقتها يفوز ويطلع التانقو من البطوله ..

وهذي النتيجه ومسجلين الاهداف ..



وطلعت الارجنيتن بدري من الدور الثاني هالبطوله بعد ماكانت وصيفة المانيا بـ كأس العالم 90 ..
وكان ابرز سبب .. توقيف المحشش يوم كفشوه وهو يدف منشطات
طبعا البطوله اغلبنا يذكر من اللي اخذها .. وشوتة باجيو اللي جابت العيد ..
وفوزت البرازيل باللقب بـ ركلات الترجيح بعد مانتهى الوقت الاصلي والاضافي 0/0
والمركز الثالث كان للسويد بعد ما فازت على بلغاريا 0/4

وهذي احصائيه بسيطه للبطوله ..



" الارجنتين في كاس العالم 98 "

درب الارجنتين بمونديال فرنسا المدرب الارجنتينين دانيال باساريلا



وكان اختار تشكيلته المكونه من أساطير

يكفي ان تعرف بينهم باتي قول
وفيرون وسورين وكلاوديو لوبيز وسميوني وزانيتي وايالا وكرسبو والحارس كارلوس روا ابو قذيله



هيبه بالهجوم يا باتي هييييييييييبه

وقعت الارجنتين بالمجموعة الاخيرة
وكان معها بالمجموعة اخويا سوكر كرواتيا وجامايكا واليابان

المباراة الاولى كانت ضد اليابان وانتهت 1 / 0 للارجنتين وتكفل باتستوتا بتمزيع الكمبيوتر الياباني

جت المباراة الثانية مع خوال امريكا الجنوبية جمايكا وتصقعوا ب 5 /0
سجل الاهداف البطل القوي احسن مهاجم يمزع باتستوتا سجل هاترك 3 اهداف واورتيقا هدفين

جت المباراة الثالثة وهي تحصل حاصل مع اخويا سوكر 1/0

وللوللمعلومية طول الدور الاول ما دخل على الارجنتين ولا هدف نهائيا وكالعادة
تأهلوا لدور الـ 16 وقابلوا انجلترا هم وحارسهم السبك ابو ربطة جنان سيمان

طبعا كلنا نعرف العداء التاريخي بين المنتخبين والسبب الاسطورة الاوحد لكرة القدم اللي
لا قبله ولا بعده المحشش الكبير المدمن دييقو ماردونا
يوم انه يسحبهم ويعفطهم ويجرجرهم واحد واحد وكمل اخر شي بحارسهم لا ومن زود الحقرة
سجل هدف بيده هههههههه واخذنا الكاس

تقابل الارجنتين وانجلترا وكانت من افضل واروع مباريات كاس العالم 98

ملخص المطش

بدت المباراة وبعد مرور 6 دقايق يجي البطل احسن مهاجم بالعالم اسطورة فيورنتينا ومعشوق
الجماهير باتستوتا ويسجل الهدف الاول للتانقو ((بلنتي)) وكان الهدف ذا هو الهدف الخامس
لباتستوتا بالبطولة وبعد اربع دقايق سجل التعادل ملعون الخير شيرر من بلنتي بعد ما جاء مايكل
ون النصاب واطلق تمثيلية على الحكم الدنماركي الزلابة وخذ لك يا انجلترا بلنتي ثاني وقووول
ويرجع البزر مايكل اون ذيك الايام ويسجل الهدف الثاني بعد ما سدح ايالا ومدري من والله ناسي
وهو داعس سجل هدف على الدعسه خخخخخ
قبل لا ينتهي الشوط الاول سجل زانيتي التعادل بعد ما لعب باتستوتا على الحيطة والسبك سيمان هههههههههههه

الشوط الثاني بدا ويطنقر بيكهام ويشوت سيمويني كذا لله فلله وخذ لك احمر يا بيكهام
[IMG]http://www.physics.ox.ac.uk/********s/WorkExp/sam/BECKHAM_OFF.jpg[/IMG]

بعد الطرد قمطوا الانقليز ودافعوا لين توصل المباراة للبلنتيات وصار اللي يبون ولعبوا البلنتيات
ضيع كرسبو على الارجنتين بلنتي وضيع وانس بول من انقلترا وديفد باتي جاب العيد بانقلترا
وضيع البلنتي ورده ابو روا

صور من المطش





وذا ملخص يوتيوب للي يبي يشوف

جينا للطواحين اللي كانوا متوهجين بهالبطولة وزحفوا بالبرازيل والعالم
اورتيقا نكب ام الارجنتين وانطرد بعد تصرف غبي ونطح الحارس الهولندي فان در سار



وكان الاسطورة الهولندية دينيس بيركامب في عز مستواه وسجل هدف عالمي هدف
خرافي وسجل هدف التقدم بعد لهولندا والمباراة انتهت 2/1 لهولندا
سجل لهولندا الاسطورة دينيس بيركامب وهدف التعادل للارجنتين من كلاوديو لوبيز

ملخص للمباراة


" الارجنتين في كاس العالم 2002 "



طبعا كلنا نذكر سكواد منتخب الارجنتين في كوريا واليابان ..
وكيف كان بطل ومن ابرز المرشجين لـ اللقب ..
باتي واورتيقا وزانتي ولوبيز وفيرون وكلي وباقي الشله
لكن الحاصل انه عكس التوقعات وعكس مستوياته البطله بالتصفيات ..
وطلع من دور المجموعات ..
نجي نشوف المجموعات ومجموعة الارجنتين خاصتن في ذاك الوقت ..

المجموعه ..




انقلترا ونيجيريا والسويد ..
يعني على الورق وبالنسبه لـ اسامي التانقو تقول الارجنتين حاجزه بطاقه لدور الـ 16 وهي مغمضمه ..
لكن هالشي ما صار .. وطلعت الارجنتين بـ نكسه ماتنسى


مشوار الارجنتين بالمجموعات ..




المحصله من كل المجموعه بالنسبه للارجنتين فوز وتعادل وخساره ..
يعني 4 نقاط بس وهالشي باين من الجدول الماثل امامكم

الترتيب ..



وبهالصوره المخزيه طلعت الارجنتين من المجموعات بعد ما كانت مرشحه لـ نتف النجمه الثالثه ..
والبرازيل كانت بطلة العالم بـ 2002 والوصيفه المانيا والثالث لـ الحلاقين والرابع لـ كوريا مع هيدينك ..

واخيرا احصائيه عامه لـ البطوله ..