ياهوا بالي ياشوقي يابعـد عمـر الغـرام=ياغرور الحب يانجم الحسـن راع اللثامـي.
للبشر فتنه وتغري كيف لو شلـت اللثـام=الحسن محتار فسمك ياحـلا كـل الاسامـي.
قايـدٍ للزيـن كلـه قايـده وانـت الامـام=كل زينٍ يتبعك سبحان مـن حطـك أمامـي.
نار جوفي من عرفتك صايره برد وسـلام=اكتسب حبك ياروحي اكتسب كل إحترامـي.
كيف ماحبك وانا اللي من عرفتك في هيـام=خذت عقلي خذت قلبي تابعك مثل الغلامـي.
حبك بقلبي طفل مايطلـب الطفـل الفطـام=صاحـيٍ مـده طويلـه ماتـوارا بالمنامـي.
نفسي المفطر بحبك عايشه حالـة صيـام=عن هوا غيرك ولاحدٍ يملك بنفسي زمامـي.
نادرٍ مالـك شبيـه ولاذكـر مثلـك بشـام=يشبهك واحد ماغيره بالسما نـور ظلامـي.
راسمك ربي ورسمك يعجز حروف الكـلام=وصف زينك مايوفا بالحكي لو حكي عامـي.
مستجد الحب في قلبي ومنك انـت العـلام=قلبي الدفتر وعرقي يكتـب بدمـي كلامـي.
المحبه صدر والفرقا نبـل ترمـي سهـام=ضربها فج النحور وصعب تردعها العظامي.
لاتفكـر تبتعـد فرقـاك سـبـه للـعـدام=لاتحمـل اثـم قلبـي لاتوديـه العـدامـي.
خلني في قربك احيـا ودي ابحظنـك انـام=كفك إيداعب شعر راسي وانا اهديك الغرامي.
مستحيل احيا بدونك يوم من دونـك حـرام=كيف يحيى دون سقيا كائنٍ به جوف ضامي.
طالبـك يالله ياللـي محيـيٍ رُم العـظـام=تبعد الفرقا عن اللي طاهـرٍ حبـه وسامـي.
:
:
:
مما راق لي ُ