الســلأآم عليكم ورحمة الله وبركــآته...
هذي مرثيـة لشــآعــر : هبـآد بن مسفــر ال عمــآر الدوســـري ...
فـــي أخـــوهـ الكبيـــر رحمـــه الله وإسـكنه فسيح جنــآته ...
حسيــــن بن مســفربن رآشــد ال عمــآر الدوســري رحمـــه الله ..
الذي انتقــل الى جوآر ربـــه َ. في يوم الاحـــد المـوآفق 5- 7 -1430 هـ
يقــول الشـــآعــر هبــآد بن مسفــر ال عمــآر الدوســري :
يـوم الخميس الحادية عشر ونيت ... آشــوف وقتي مال عقب إتزاني
أحيييه من هـم حداني وكنــيــت ... آكـن عبراتي وهمي حدآنــــــــي
كتمت عبرات وراها تناهيـــت ... عبرات من حسرات جرح كواني
جرحي عميق بالحشا لو تداويت ... اقوم وانسى جاجتي في مكانـــي
مرحوم يا شيخ نشا عالي الصيت ... ملجـأ الضعيف اللي حداه الزماني
يامكرم الضيفـآن في ربعة البيت ... يا دامحن الزلة لجاره وعــــآآنـــي
يـا حسيــن وقتـك وانا معك به تساويت ... مليت من وقت رماك ورماني
خان الزمان وانا معك به تساويت ... من بعدكم يا حسين زادت احزاني
ودعتك الله ياذر بــه ذآريــــــت ... يوم الليالي حطمت لـــي كيــــآني
علمتني كل المراجل وغطيــــت ... زلاتي اللي ما حكمها لســــــآنـــي
انا يتيم بفضل وجودك تربيت ... فرحتي يوم اليتامى وآحــزآنـــــــــي
ربيتني يوم اليتامى مفاليت ... بين الرجا واليـآس مـأمن ضمــآني
يالله عسى مرقد بــه تهنيت ... في جنت خضرا بها الغصن داني
بجاه الذي لـه خمس الفروض صليت ... وكملتهآ في صوم شهر الرمضاني
وبجـاه الرسول اللي فرض حج للبيت ... جعله شفيعك يوم فك الاكفانـــي
هذا وانا من بعدكم لاحقك ميت ... انا انتظر يومي الا من دعاني
الله يجمعنـآ بعد يوم تشتيــــت ... في جنــة ما بعدها موت ثــآني
وصلاة رب عد محل توقيــت ... خمس الفروض مضربـة في ثمــاني
على الرسول فتت الشرك تقنيت ... صلوا على محمد رسول البياني
وســلأآمــكم ... والله يرحم موتـآنـآآ وموتـآ المسلمين إن شاء الله ... وجيمعنـآآ ويـآهم في الفردوس الاعلــى