السلام عليكم ورحمة الله وبركاته
هذي القصيده للشاعر محمد بن منيخر الغيثات وموجه الى الاخ نادربن فهاد بن نادر الودعاني عندما سال ابن عمه الاخ محسن بن حرباش الغييثي من اللي من الربع عندك في بريطانيا فذكر نادر بن فهاد وموقفه الطيب معه عندما جاء لبريطانيا علما انه لم اعرفه من قبل ولكن حميته الطيبة لبني عمه فقال الشاعر محمد بن منيخر هذه الابيات في رجل يستاهل وهي اهداء له في هذا المنتدى الطيب :
البارحـة جيـت يانـادر علـى بالـي=واطلقت خيل المراجـل وانـت خيالهـا
ذكـرت طيبـك معـي ياطيـب الفالـي=ياسيـد المرجلـة ياعمهـا وخالـهـا
لاجيت ابكتـب فـي ابوفهـاد ماجالـي=ضاعت حروف القصيد وضاع موالهـا
غالي ولا ادري وش اللي يوفي الغالـي=الله يعيـن القصايـد هانـت جزالـهـا
ياراس مـال المراجـل وآخـر آمالـي=من دلـت المرجلـه صبيـت فنجالهـا
مادمت اشوفك معـي فالحـال متشالـي=والحال من دون شوفك يابـري حالهـا
من لابتن ذخرنا يـوم اشهـب اللالـي=معروفتن عنـد كـل النـاس بافعالهـا
ربعي الوداعين في الرمضاء هم ضلالي=وفي الضيق تلقى الدواسر دوم في جالها
تقبلو خالص ودي وتقديري