[معلومات العضو المطوع]

قصيده رائعة فيها كثير من النصائح والأمثال من واقعنا المرير

للشاعر/ عبد الله بن شايق العاطفي


الأجــــواد واجـد والمراجــل لهـا كســـــــاب *** لكن واعد العشـرة ليـا صـرت جمالـي

يطيـــر الشـــرار وكـل نــــارٍ لهــا شبــــــــاب *** ومن ولع النيران يصبـر علـى الصالـي

تجارب حياتي معجزة والدروب أصعــــــاب *** ولقيت الرجال أنواع وألوان وأشكالي

صـديق الشدايد ما خذا منك علـــم وجــــاب *** وسيع الصدر يضحك ولا هـو بزعالـي

صــديـق الشــدايـــد لا ينافــق ولا يغتـــــاب *** يدلـه غريــــب الـدار ويزيـن الجــــــالـي

وصــديق الرخـى عقاب ومصادقـه عقــــاب *** شجاع الحكـي والمـــدح بالقيـل والقالـي

وصديق الرخى ما غير صورة ولبس ثيـاب *** يا ليتـه يبرقـع مالـه شمـــاغ وعقــالـي

وعنـــدي نصيحة جــد ماقلتــهـا لعـــــــاب *** أقول الصحيـح ونايـم القلـــب يصحا لي

ترى خـوة أهل الطيـب يالطيبـيـن أطبـــــاب *** يطيـب السقيـــم وخــوة اللاش سـلالـي

تغـانم شبابك يا بيض الوجــه دامـك شــــاب *** ترى البدر لو يطلع قمر عود أهلالـي

فلا تهجر المسجـد وخلـك ورى المحــــراب *** ترى روضة المسجد لهـا منـزلٍ عالـي

ولا تـتـرك اللـي يزهمـك خــايـفٍ مرتـــــاب *** ترى الــذل ما نجـى الثعــــل بـا لتحيالـي

ولا للندى غير الفـــدى لـو تـروح أرقــــاب *** ومن ضاع شوره يا خذ الشـور ويمالـي

ومــن با شـــرك بالعـــذر لاتلحقـه بعتــــاب *** ولا تشوف نفسك شيـخ والنـاس عمالـي

ولا تهين نفسك لو تجي بين ضرس ونـاب *** وهيبتـــك لا تنقـص ولـو ربـع مثقـــالـي

وبنـت الـــردي لا يعجبـك زينهـا الجـــــذاب *** تـــراهـا كمـا المخيـال خيـل وتخيــــالـي

ولو شفـت حمــر خدودهـا وثمـان أعـــذاب *** لا بدك تمنى ليـت مـا جــالـك أعيـــــالـي

ولـدها ليا شاف النقـــى والمــلاقـى هــــاب *** ذليـــلٍ بخيـلٍ فيـه خفخـاف وجفــــــــالـي

أخـــذ بنت قــرمٍ طيـبٍ ساسهـا مــا عــــاب *** تنومسك بنـت الشبـل ويجيلـك أشبـــالـي

أعيـال الذيــاب تصير مثل الذيـاب أذيـــاب *** وعيـــال الثعــالـب مثلهـا زهــر الاذيالـي

وفرخ الصقر مثله وفرخ الغراب غــراب *** وبـوم الخـراب ايقابـل العـش ويـــــلالـي

الي صار راسك فوق يا طيب الأ نســـــاب *** فـلا ينحنـي لقــــدام رجليـن ونعــــــالـي

لكـــن الله اللي يكتـب الــرزق يـا خطـــاب *** هو اللي يفـــك البـــاب ويقـص الا قفالـي

ولا يهمـل الا واحـــدِ عايــــفٍ الاشبــــاب *** ولا ضيع أحقوق البشـــر غيـر الاهمالـي

وترى للقصــايد كيف والكيف لـه شــراب *** وانا ما اشـرب الا كيف راســي بفنجالـي

ولا طاوع الجــاهـل ولا جامـــل النصـــاب *** أقـــدم يميـن الحـــــق واحــط معـــــدالـي

ولا نيــب و الله طيبــن له مـع مـن طـــاب *** ومن طاب لي برخص له الحال والمالـي

أكـذب وانا خابـــر واجامــــل وانـا كـــذاب *** سنين مضــت هـي صـــدق والا يورالـي

تلخبـط جهـاز المـخ وانهـارت الاعصـاب *** وفورت دمـي وارتفـــع ضغطـه العــالـي

لكن في رجى اللي من رجى رحمته ماخاب *** هـو الواحـــد العـــالـي وهـو ربنـا الوالـي

وهو الخالق الرازق وهو المعطي الوهـاب *** لـه الملــك كلـه والكمـــايـل والاكمـــالـي

رئـوفٍ رئيفٍ رحمتـــه تنقـــذ المنصـــــاب *** يغيث الديـار الممحلـه عقـب المحـــالـي

شديد العقاب ويعتـق المذنـب اللـي تــــــاب *** عســـى مـا يواخذنـا بسيـات الاعمــــالـي

كما قالـه الله فصبــــروا يأولــــي الالبــــاب *** ترى الصبر زين وكلمـة الحـق تنقـالــي

واصلي واسلم عـد مـا تنبــت الاعشـــــاب *** وما لاح بـراقٍ ســـرى يشعـل أشعـالــي

على المصطفى اللي وحد الدين والاحـزاب *** شفيـع أمتـه يـــوم الهــوايـل والاهوالي


************************************
**********************
****************
**********
******
****