[معلومات العضو عبدالله الدوسري]

قصيدة الشاعر سويّد ابن راشد الهدايا الحقبان في ابن عمّه هذال ابن راشد بعد تنازله عن المتسبب في وفاة إبنه فهد ابن هذال رحمه الله

هات القلم يا صاح و البوك دنّه=ودي أسجّل من ضميري تعابير
و اللي حصل يا هاجسي لا تكنّه=اللي حصل نقراه ضمن الأساطير
سلام يا محيي للأجواد سنّه=هذال ابو راشد طويل الأشابير
اللي عفى من دون طلْبه و مِنّه=و لا تحرّى دافعين الدنانير
قالوا توفّى قال ملفاه جنّه=و الله ما أروّع الأم من زلّة صغير
و ما جابته سود الليالي خذنّه=تفرح و أنا هذال زبن المخاسير
و لا هي غريبه مدّة الجود منّه=طيّب و من ماكر حرارٍ مناعير
و من لابةٍ في الكون ترخي الأعنّه=و تروي السيوف الضاميات البواتير
لاد العياضي خصمها ما تحنّه=حقبان بالهجمه تبوج الطّوابير
و عون الصديق اللي ظروفه حدنّه=اللي شكى بقعا و سوّ المقادير
فزعاتها له تبعد الهمّ عنّه=و يعيش في جنّة نعيم و نواوير

http://www.alyaum.com/issue/article....9&I=743727&G=2