لعل السحاب اللي تسوقه هبـوب النـود=من عصيـر ولا باخـر اليـل مهجـاده
يسوقه من الغربي هوىٍ يدفعـه بركـود=اليا قام يكشـف بارقـه حـن رعـاده
مباكير نو الوسم لانشـاء وقـام يـزود=ثلاثـة نجـوم ٍمنـه والرابـع زيـاده
وخمسين ليل ٍكل مانشاء السحاب يعـود=اليا نـش ودان المطـر منـه يعتـاده
على انحاء البلاد يعم دار الفخر والجود=بـلاد ٍتزيّـن بيـض الايـام بامجـاده
ويسقي البياض من الجبل لاسفل النفود=قنـوفٍ تزبـر مـن مناشيـه منقـاده
من عقب المحل ياجعل وبله عليه يجود=اليا عد رجعه قيـل مـا عنـه نشـاده
يلج بخضار ٍعقب ما ابطى يباس العـود=وثرى القاع يقبـل كـل يـوم ٍتجـداده
نباته وماه وسجـة ٍ فيـه طـب كبـود=لا ربع به المسني غـدا ثالـث اعيـاده
وشوفه يعيش اللي بعد فيـه مالـه ذود=لاشاف الخضار يسج في غايـة مـراده
يقولون راع الصنف والقول ذى ماكـود=ثـلاث ٍتعيـد صبـاه وتسلـي فـواده
شوف الخضار اليا حصل غاية المقصود=وشربه مشاهد مـن يـوده وهـو زاده
وشوف السحاب اللي تسوقه هبوب النود=من عصيـر ولا باخـر اليـل مهجـاده
الشاعر الكبير محمد بن حشفل الخضراني
يامرحباً تراحيب السيل ياابو محسن
أولأ الحمد لله على سلامة الوصول من الديرة الجنوبيه
وثانياً صح الله لسانك لين ترضى
الجزاله الشعريه لها ناسٍ تعتني بها شرواك
إبداع + جزاله + حبك + سبك = الشاعر محمد
دمت لنا بهذا التوهج الرائع
الحقيقه أجد نفسي عاحزاً عن الرد اللذي يليق بمقامك العالي
لكن جعل من أرثك في الجنه
تقبل الود والتقدير
محبك الدائم دغش البطي