صحيح، الجمل لي طاح كثرت سكاكينه=لذا لا مواساة وعتب حول ماصابك
فلا تضد ناقص ما حسب كلمته دينه=غريب إن تظن اليوم محّد بيغتابك
إذا صاحبَك باع ومشت به شياطينه=تعامل بالطيب وقول بالغصب هو جابك
مريب(ن) وجود الغدر، كم سهل تلحينه=مواقف صعيبه ساقها سوق أقرابك
يقوّيك مايذبحك ضرب المجازينه=فحاسب تطيح، ومرّتين، ومما نابك
تبختر عليهم لو طريقك معادينه=مرور الكريمين ومردّك لأحبابك
ولاتحتري غايب مضيّع عناوينه=عسى تلتهي في خير، دعوه لمن سابك
تنكّر لغيرك، سلم قديم مجاسينه=تلبّس قناع الطيب موضوع متشابك
نظام الفوايد من زمن له منادينه=مناي السلامه، آخر موضه بتنتابك
طمع في جشع، مابه أمان وطمأنينه=وحوش الآمازون القويّه، ورا بابك!