[معلومات العضو ابو زياد البريكي]

مساء الخير للجميع

هذه القصيده أعجبتني ونقلتها لكم

في شيخ الكرم والطيب الشيخ //عبدالله بن فهاد الفصام

وهي تعبر عن نفسها

ليا ضاق صدري جيت أسوقه على الأقدام = لشيخٍ ولد شيخٍ جزالٍ محاصيله
لشيخ سما للمجد وأضفى عليه أكمام = يموتون جيله ماتهقووا مواصيله
لشيخ الجهامه والسلف منبع الأكرام = مظن الحرار اللي بعالي مداهيله
ليا قيل من هو ؟ قلت شبلٍ ولد ضرغام =كسب من صفات الشيخ وأوفى مكاييله
ذخر شايبٍ قسمه من الطيبات وسام = لبس من ثياب العز ضافي تفاصيله
كبير الحظوظ اللي ليا قلت الأقسام = تصير الرجاحه ميزةٍ في معاديله
غنيٍ عن التعريف وأشهر من الأعلام = سنام الكرامه دلةٍ من معامـــــــيله
إله شهرةٍ تشهد عليها عرب وأعجام=وإله وقفةٍ تشهد عليها نوازيـــــله
لعنق الخوي رحمه لعنق الخصيم إعدام= مقامٍ على الطالات توضي قناديله
جبل والجبل ساسه وتد والوتد مرسام= تقوم القيامه ماتزحزح مثاقيــــــــــله
جزومٍ عزوم لطالب القاسيات حسام = يلين القسا في خاثرِ من فناجـــــيله
أنا خير من يعرف خصاله وأنا الجزام = شهيدٍ عليه وحاضرٍ في محافيله
فخر يفتخربه كل من يلبس البسام = تعانق به البسام للرؤس وتشيله
ليا قيل سمه ؟ قلت عبدالله الفصام =زبون الدخيل اللي تعذر مداخيله
ليا طب سوق الطيبه بالغلاء سوام =على الوافيه دايم تعاقب مصاقيله

وسلامتكم

حمدان الدلبحي