السلام عليكم ورحمة الله وبركاته
إخواني الأعضاء أهنيكم جميعاً على سلامة أبو خالد وقدومة معافى مشافى لوطنه الذي أفتقده وأشتاق له أحب أن أهديكم هذه المشارحكة البسيطة كما تعلمون فقد أعلن شاعر ال سعود السامر عن مسابقة بسلامة سلطان فكتبت هذه الأبيات مجاراة لقصيدة السامر وللمعلومية البيت الأول مننظم الأمير عبد العزيز بن سعود
"كل شعبك يا أبو خالد فاقدينك= الله اللي ولع الشعب بغلاك"
طوّلت غيبتك واحنا ناطرينك = ياتجينا ياتودينا معاك
الوطن شعبه وعشبه ميّتينك =والحيا لاحطّت بأرضه خطاك
ياشبيه البدر في طلّة جبينك = لا كسانا الليل دورنا ضياك
وياشبيه المزن في مدّة يدينك=لأجدبت أرضٍ تحرينا عطاك
وياشبيه السيف في سلّة سنينك =تفرح أحبابك وتقهر به عداك
وياشبيه الصقر في هدّك وعينك = حتى في غيبتك مصيونة سماك
كيف لا والعدل ساسه راحتينك = كل من ضاقت عليه الأرض جاك
لو نبيع العمر ما نوفيك دينك = عمرنا مع كل ما نملك فداك
مايصبرنا سوى بشرى عوينك = يوم أبو فهدٍ يبشرنا بشفاك
كل شعبك يا أبو خالد محترينك = وكان طالت غيبتك جينا وراك
يا أبو متعب كلبونا مبايعينك =وياوطنا ما نساوم في ثراك
وسلامتكم وسلامة أبو خالد
عبد الرحمن بن سعد الدوسري
حزين الحرف