صبحكم / مساكم الله بالخير
كل عام وانتم بخير جيمعا
قصيده اعجبتني وحبيت انقلها لكم ...1
(. القصيده .)
ودعتـك الله ياحبيبـي علـى خيـر
واقبل خفوقي فـي غيابـي وداعـه
خله معك وقـت الليـال المعاسيـر
طاري رحيلي عنك بالحيـل راعـه
يبكي يبيـك ومنـك دمعـه محاديـر
أرجووووك ضمه وارحمه من وداعه
طفلٍ لجى بك من عـذاب المشاويـر
سولـف عليـه ولاتضايقـت راعـه
يفدى عيونك لو يشـوف المحاذيـر
اليـا طلبتـه قـال سمعـاً وطاعـة
حبك بوسطه فـاق كـل التصاويـر
تكفـى بحزنـك لاتزيـد التيـاعـه
وارحم حبيبـك دام عنـده معاذيـر
لالاتخلـي مـن طموحـه ضياعـه
حتى ولـو هـي فرقتنـا المقاديـر
حرام انـا مانسـاك بالبعـد ساعـة
ماابيك تحزن يالغلا ويش ماايصيـر
في غربتي مالـي بغيـرك طماعـة
أنا بسافر قلت اشوفـك علـى خيـر
هذا خفوقي فـي يدينـك وداعـه
للشاعر فايز ماجد ........ اسم القصيده ( اشوفك على خير )