يا اللي ملكت الروح لا تتعب الروح
هون على روح تبا منك راحه
دار الخفوق اللى بالاشواق ملحوح
لح الغريب اللي نوى البعد زاحه
وارحم فوادي م التسلي والمزوح
وانته فهيم ابسلوته وانشراحه
مضناك م الفرقه جريح ومطروح
دامك بعيد من يداوي جراحه
جازيتني عن طول وجدي ومسموح
بنار في قلبي مساه وصباحه
ما اقدر على بعدك وانا منك مذبوح
وش حيلتي في اللى عيونه سلاحه
قلبي من اصدودك مثل طير مجروح
طاوي على كسر المحبه جناحه
شفتك بعيني بر في لجه ايلوح
وانا غريق وما اعرف السباحه
حسنك وزينك متلفني ولا بوح
خيم على قلبي غدر واستباحه
ليلي ونهاري من عنا شوقي انوح
عطني من الاشواق يوم استراحه
يا ليت ترحم حالتي قبل لا اروح
وتروف بااللى ايعد شوفك رباحه
قل لي شعورك في صراحه وبوضوح
انا احبك قلتها في صراحه
,,