[معلومات العضو الهاج ـري]

سميّك إن ناديت حسيت أناديك=أحاول أخفي نشوتي و إبتسامي
و الا انتي لو ناديت من غير الاقيك=بأعجز آفرّق بين خلفي و امامي
يزودها لاجاني رد من أشافيك=أضيع و أضيّع مرادي و كلامي
من دوختي بتحسي مانيب أراعيك=و أن الفكر هاجوس في الغير حامي
و لاّ الحقيقه كثر ماأشتاق و ابيك=ضيّعني زود الحرص بك و إهتمامي
ودّي أقول انّي على الغير مغليك=و ان المشاعر كلّها لك ظوامي
و إنّي غريقك حنّي و مدّي ايديك=صحراء الوله بركان بالشوق حامي
و اني أعيش العمر عاشقك راجيك=و القلب مهما غبتي ما عنك شامي
عاند قدرنا و عاش عاشقك هاويك=هواه يحيا حُب عُذري و سامي
و لو يوم يقدر يلحقك في خطاويك=ما وقّف الاّ و اللقا له وسامي
إثبات لأغلى حب عاشه معك فيك=لا فارقك نوره يضوي الظلامي
سميّك إن ناديت حسّيت أناديك=أغلى البشر و احلى جميع الأسامي