[معلومات العضو ابومبخوت الدوسري]

والله ثم والله ثم والله العظيم ما أحد حلفني ان برنامج السعوده اكبر اهانه للشباب العمود الفقري لهذا البلد ....... بتقولون ليه !!! انا اقول ليه : صحيح ان الشركات فاتحه بيبانها والقطاع الخاص مسوي فزاع للشباب بس والله ماله لازمه لأن الشاب السعودي يروح لمكتب العمل والعمال ويقدم على وظيفه والحق يقال يزحلطون الشاب على الشركه اللي تناسب شهادته لحد هنا ok ولاكن المشكله في الراتب 1500 او 2000 هذي وش تسوي للشاب والله لويجيه ضيف يروح نصف راتبه في ليله وحد اذا ماراح كله .... هذي وحده والثانيه تعين مرؤوسه اجنبي خبيث وراتبه اعلى من راتي السعودي ويغثه في العمل من شان يطلع ويجيب واحد من ابناء جلدته بنصف راتب هذا الشاب . والثالثه عدد ساعه العمل تصل إلى 10 سلعات واحيان 12 ساعه كل هذي المصايب ولا يقولون الشباب شي ساكتي وماكلين هوى . وخلونا نكون صريحين صاحب الحلال بكيفه يوضف اللي يبي وبالراتب اللي يبيه << حقه مانقدر نجبره . بأختصااااااااار اكثر الشباب : ماهمهم الشغل ولا عدد ساعاته ولا المغثه من الاجنبي الشباب على الاقل يبون راتب أخر الشهر ينسيهم التعب والمغثه والكرف وووووووو ---------------- أنا شخصيا" عندي حل والله بيريح الشباب وبيريح الدوله الحل : تفتح الدوله التسجيل في القطاعات العسكريه مثل : الجيش والحرس والوطني والحرس الملكي والطوارء وامن المنشأت والا على الاقل بس الجيش ويخلون الألاف من الشباب يدخل في الجيش لان الفايده بترجع على هذا الشاب وبيعيش عيشه كريمه وبيكون عضو فعال في المجتمع بدال ما يصير داشر في الشوارع وياكثر الدشيير . والفايده الثانيه بتستفيد الدوله من هذولا الشباب في حال الحروب لا سمح الله والظاهر ان الحرب على الابواب ماهي بعيد والله اعلم خلونا نستفيد من هذولا الشباب حتى بكره يفيدون الوطن ويبيعون ارواحهم فداه . شوفو مصر وسوريا وايران وشوفو الجيوش حتى العراق كانت فيه قوه جباره ولاكن وش اللي هزم << قومه ردى شعبه وخيانته وهذا ماصار من لعب ما قلبو على حاكمهم صدام الا عقب الشين يبون الخير وطاحوا في البلاء يادافع البلاء .. ولازم ناخذ من الحيات دروس وعبر لو ان حاكم العراق صدام اكرم شعبه وعزه ماكان خانوه وفي الأخر راحوا فيها الشعب والحاكم اللهم لاشماته . السؤال اللي يطرح ويفرض نفسه ؟ هل عندنا قوه نقدر نرد بها اي عدوان خارجي . حسب الظاهر ماش قوه خلونا نكون جديين قدام انفسنا وقدام الله معداتنا فاشله ورايحه في والد والدينها بعضها مايشتغل الا بأشتراك اي قران المهم إذا طلبوا العسكر بطاريات جديده يقولهم التموين هذي المعده تونا صارفين لها بطاريات من سنه وست شهور لازم تكمل البكاريات سنتين والله مشكله والعسكري كل ماجاء جاهزيه والا رمايه تدريبيه الله يعينه يشوف احد من أخوياه يشرك له المعده <<<وش دعوى وين بنناطح الدول ووين الهيبه حتى الهند وباكستان عندهم قوه مهيب صاحيه هل الهند وباكستان اقوى من دولتنا الحبيبه في الأقتصاد والسياسه <<< بدى دولتنا اقوى والقوي الله .......... المهم انا تعبت من الحكي بس للأمانه الشباب وصل حدهم وأحساسي وأنا دايم أحساسي مايخيب ان هذي القنبله اقصد الشباب بينفجرون قريب قريب يمكن السنه الجايه . ---------------- الله يعطيك العافيه يابوهاجر والله يزين احوال الشباب علي الحرام ماكلين تبن.... اللهم بلغت اللهم فأشهد .