[معلومات العضو دـأيـم إهـذريبــگ]

بسم الله الرحمن الرحيم

إخواني الكرام / أعضاء ومتصفحي منتديات قبيلة الدواسر الرسمي السلام عليكم ورحمة الله وبركاته وبعد : إليكم قصيدة الفارس الشيخ / ناصر المبيعيج الدوسري رحمه الله وأسكنه فسيح جناته في خالة الفارس الشيخ / عامر بن بدران شيخ الدواسر رحمه الله وأسكنه فسيح جناته ويقول فيها :

يا سدرة المغنى اللي على مشرع الصفا
= فـي جـال مخضر الجنـاب ( قــرون )

بانشدك ما شفتي هل الجـود والصخـا
= اللـي لهـم كـود الأمـور تـهـون

شـدوا وخلونـي أجـاذب هضايمـي
= تحملت مـن كثـر الغبـون اغبـون

ونيـت ونـات تحطـم لهـا الحشـا
= وهلـت غزيـرات الدمـوع عيـون

أقفوا وأنا عينـي تخايـل اضعونهـم
= ضعايـنن قفّـت تـلاهـا اضـعـون

أقفوا هل الشيمـات يـا دار وانتحـوا
= إلى وين يـا وادي قـرون يبـون ؟

أقفـوا كمـا نـوٍ (ن) حقـوقٍ مخايـلـه
وبلـه وبـراقـه للـعـداة مـنـون

أقفوا مـع البيـدا تـبـارى اضعونـهـم
= يقـودون طوعـات الرقـاب بهـون

لكـن أرقـاب الزايديـات بالـحـني
= رقـاب المهـا لأولادهـن صـفـون

يتلون نزال الخطـر مرهـب العـدى
= عامـر لصعبـات الأمـور زبــون

خالـي ولا غيـره عزيـز رجيـتـه
= أرجيـه رجـوى الممحليـن قــرون

إن صـاح صيـاح نذيـر لقيتـهـم
= على سروج طوعات المهـار يجـون

ترعى بهم جـرد الرقـاب وتنثنـي
= ولهـا صليـل المرهفـات إلـحـون

لكن خرير الدم من ضـرب شلفهـم
= كما ناضح الماء مـن عيـون شنـون

ياليتنـي معهـم علـى كـور وجنـا
= ويبـرى لهـا وقـم الـربـاع ودون

من عقبهـم يـا دار لا علـك الحيـا
= ولا أخضرت بك بالسنيـن اغصـون

منقول وأنتم سالمون وغانمون والسلام .