[معلومات العضو محمد الدايل]

	يطيب لي مشاركتكم بهذه القصيده علماً اني اجد نفسي ( مقصر) معكم بمشاركاتكم لكن يعلم الله ان الاتصال هو المتسبب.... يحدوني عن الكتابه ولا يحدوني عن معزتكم وتفاخري بكم

وراك يالقرم الشديد المزاهيل =تنسى عزيزاً قد توجب نفاعه
ماهمته دنياً يبيها شهاليل =لاشك تندى بالنكد والبشاعه
لولاك منتب وافيٍ للمشاكيل =وكلمتك تسمع ضاريٍ للبتاعه
ماقلت لك شيٍ ولا هنا محاصيل =وكتمت غبني لو على الموت ساعه
هذي هي علومي النجيبه مقابيل=نفسي حشا ما هيب تعشق دناعه
يا القرم عيب انا نجيب المعاويل =من يزهلك يكفيك قدر استطاعه
وحاشا نلد عزومنا للمعاذيل =لا والذي جل وعلى بارتفاعه
و الا الردي ما احتاج منا تحاليل =يخسى ولا عندي لمثله شفاعه
عيني تراعي للقروم المخاييل =اللي تبل كبود عطشا الرباعه
علمٍٍ تهايق له ومارد حلاحيل =وعلمٍ تمناه النفوس الشجاعه
وعلم تفرسه القنوص المخاتيل =يرمي معاييره بليا اندفاعه
صعب المسالك غايتي لا التساهيل =الله يسهل لنداوي مساعه
ياما كسبنا في علوم الرجاجيل =حب الكرم والطايله والوقاعه
ويا ما حدينا ما حدني المشاغيل =وفتحت قلبي والبصيره شعاعه
والحمد لله معتلين المنازيل =وموقراً عند الربع والجماعه
وصلاة ربي عد وبل الهماليل =على احمد المحمود حسن استماعه