الله خلق لي نفسي تسمو عـن البـوح
ماهي لا ضاقت مـن الهـم راحـت
على كثر ماشفته ضيقـات وجـروح
اووويه ماتغيـر ولا العيـن صاحـت
ابشـرك بشـارة الـروح لـلـروح
تبـي تطيحنـي الليالـي وطـاحـت
هذا انـا والوجـه باسـم ومشـروح
وجه عروقه لاضـم النـاس لاحـت
كم محزن بنى على شوفـه اصـروح
وكم نفس من طارف عطاها استراحت
الله وهبنـا عـز وامجـاد وطمـوح
وذكر علـى جـدران الايـام ناحـت
هذي مراجل ماهي بضحـك ومـزوح
ماهي شموع لوضاء الصبح ساحـت
بعض الجروح تجي لك شوي وتروح
وبعض الجروح ان جات ما عد راحت