بسم الله الرحمن الرحيم
السلام عليكم ورحمة الله وبركاته ... وبعد ...
يسرني أن أشارك بهذه المرثيه في خادم الحرمين الشريفين الملك فهد بن عبد العزيز آل سعود - رحمه الله - صحيح جات متأخره لكن الله يعين و إن شاء الله تعجبكم يا أهل المنتدى . من شعري أنا أخوكم : أبو السلاطين ....
يا الدمع حل ما جوبك بعد نغمت الجوال = رسالتن جتني لا عادها الله من رساله
علمن لفاني زلزل عروق القلب زلزال = وفاة المليك اللي على العز مرخي اسداله
وحالي بعد فقده غدى من جال في جال = وغدى قلبي حزين ضاعت جميع آماله
سندنا اللي عن فعول الخير ما مال = شبيه عودن ما طاح في درب الظلاله
زعيم الحق شبيه السيوف الصقال = ذرانا اللي علينا يظلل ظلاله
حرر كويت الصباح من شر الأنذال = ورخى السعد في وجه الكويت و أطفاله
ويا الله يا منزل التوبه وطه والأنفال = ترحمه في يومٍ تنشر جميع أعماله
فهد الشهامه والعروبه با الأفعال = ما هي فعول أهل الخنى والسفاله
فهدنا اللي على سنى العز يختال = وما نحنى راسه في وجه الوقت واهواله
ويا الله أنك تسقي قبره كل هطال = ويا الله أنك لا تعثره لا جاوب سؤاله
ويا الله أني رجيتك والدمع همال = أنك تجيره وترحمه عد ما هلهل أهلاله
زعيمنا اللي في الميادين عن تسعين خيال = اللي تراكى بين السراوات وأجباله
شايلن عز الأسلام والهموم الثقال = ويا وجودي عليه وجد طفلن والشيب بقباله
فهد الآيادي الطوال والحق ينقال = ما هي فعول أهل الحقد وأهل الجهاله
ونرفع البيعه للي عن الحكم ما مال = عبدالله وسلطان أصحاب الفخامه والجلاله
ويا الله تجنبهم درب كل حاسد ومختال = وترزقهم البطانة اللي للأسلام ابوابها مدهاله
وأختامها صلوا على النبي عد ما ظلل ظلال = وأعداد ما خيل المزن وأهمل هماله