سّر ياقلم... ما على الصبر طاقه=صبري تعدى الحد ما عاد ينطاق
أكتب لمن مثلي قصته وأشتياقه=في خطك الواضح على بيض الأوراق
قصة حزين" صافي المر ذاقه=أنا بذكرى ماصله خاطري ضاق
باقوه الأصحاب والوقت باقه=وصار الضحية بين باير وبواق
يمشي وهو ما حس في كسر ساقه=أمسى على ساقين وأصبح على ساق
هذي سواة الوقت شين أصطفاقه=الوقت لو يصفي لك آيام...دراق
لاشك يامن معك عقل ولباقه=بنصحك كانك للآمثال تشتاق
صادق رجال" يعرفون الصداقه=يقفون صفك يوم يبسات الأرياق
ومن يرغب فراقك ...عجل فراقه=جاز اللذي يجزيك : أفراق بفراق
يقوله اللي جاير الوقت عاقه=ولازال في غيبوبة الهم ما فاق
حظه على أقشر شي للنفس ساقه=بقبور الأحياء ... ينتظر يوم الإطلاق