اسعد الله اوقاتكم , يقولون القصيد اما هيض والا غيض
وهذه جاءت كما هي عندما شاهدت البرق الآن خارج
المملكه اعزها الله
كريم يابرقٍ سرى وعيون خلق الله رقود=يطعن بكبد الغيمه ألي هملّت عبراتها
ليته على نجد العذيه في غزير الما يجود=لين انها تربّع مفاليها وتحلى أوقاتها
ديارنا فيها تواصينا من اجدود الجدود=من ماضي الاجيال والدنيا تفوت افواتها
يوم الجهل ضافي عسى ايامه علينا ماتعود=عنها نحينا اشراف مكه والحسا براياتها
يلين عفيّنا جوانبها ورسمنّا الحدود=وعدواننا من فعلنا بكبودها حراّتها
من وين ماطاح الحيا سقنا وراه ام القعود=والبل على ماتشتهي نمشي ورا مشهاتها
ماهي سوالف خثرقيٍ مايدلّل بالشهود=تاريخنا يشهد وخلق الله شهود بذاتها
واليوم بحكم الله قبلنا ثم في حكم السعود=حكامنا حتى القيامه تنذر بأيآتها
عفوّ حدود المملكه من شامها لين الزيود=وخلو سباع الارض ترعى بالرغد مع شاتها