اخواني الكرام ارجو ان تنال هذه الغزلية المتحشمة على اعجابكم
ياقلب لاتتبع حبيب تناساك= وياعين صدي منه لاتنظريله
خلاص ياغدار حنا عرفناك =وماكنت اظن الخل يخدع خليله
اربع سنين عشت يازين واياك =عشرة عمر مهيب يومن وليله
وين العهود اللي مضينا بذكراك =وين الوفا ياابو الرموش الظليله
قلي السبب يازين كود اني انساك= واصبر على الفرقا ولوهي ثقيله
ياما سهرت الليل من حر فرقاك= ومن شاف حالي قال واعزتي له
وياما وطيت الصعب كله ابي رضاك =ونفسي العزيزه في سبيلك ذليله
تمدلي يسراك واقول يمناك=طبعي كذا وأثر الليالي عميله
سريت عدوانك على هدم مبناك=واجحد واجامل والمحبه قتيله
يامدون التاريخ علم تعداك =دمع الرجال اصدق وعندي دليله
دمع البني موال والعلم ماجاك=ودمع الرجال افعال تمحى قبيله
وآخر بيوتي فتنتي لاعدمناك= الكذب واجد والحقايق قليله
ومع ذا فاانايازين ماوالله اشناك = حبك سكن في القلب ماحد يشيله