اخواني الكرام
هذه مجارات لصاحب السمو الملكي الامير خالد الفيصل(امير منطقة مكة المكرمه)
وهي من ارشيف قصائدي ارجو ان تنال اعجابكم
ياامير وان تسأل عن امر المعانات= هي من صميم القلب والااجنبيه
هيضتنا ببيات شعر جزيلات =يلقى بها راع الولع جاذبيه
الله من قلب جروحه خفيات =هموم كل الكون وسطه خفيه
له زفرة تاصل حدود السماوات=تقطع غياهيب السما السرمديه
ومن زفرته خطر على لرض هزات=وشمس الضحى تظلم وهي كان حيه
حتى النجوم اللي على الكون رايات= خطر عليها تفقد الجاذبيه
محاصر وسط الهموم الكبيرات= والكون كنه ماخلق كون ليه
لارحت يم البر بقطع مسافات =لعلي اسلا في فياض هنيه
قالت جبال البر عصر الطرب فات=حتى الشجر يقول مالك وليه
وان رحتنا للبحر في الصدر ضيقات=قالت امواجه ول مانتب بغيه
وان قلتنا بطير في الجوساعات= في طايرات سابحات قويه
قالت همومي تحسب الضيق حزات =انا معك يابو الحضوض الرديه
والموت حتى الموت ماجا بدعوات =جاوب ترى النفس الشقبه بقيه
والجن من بلواي ناديت مرات=شوفو بلاي وعلة داخليه
قالوترانا مالنا فيك حيلات=لمثل حالك مالنا مقدريه
ناديت يادنيا ترى الخير نفحات= قالت ترى مالك مقام عليه
عودتنالنفسي وجريت ونات =بلية ياكبرها من بليه
لشع نور الصبح هليت عبرات=متى تغيب الشمس واسلى اشويه
فلقبل سوادالليل عاد الذي فات=جدت علي احزان نفس شقيه
فيالله يافارج عظيم البليات=ياكاشفن غموم يونس نبيه
يامنجي يوسف بوسط المتاهات=اللي لمن يرجيه ظل ن وفيه
فرج لعبدك يارفيع المقامات=فعبدك على عهدك ونفسه ابيه
واغفر ذنوبي كلها والخطيات=انت الوحيد اللي عرف كل نيه
وصلو على المختار راعي المسرات=اللي تركنا في محجه نقيه