[معلومات العضو ريميه]

دربي طويل وتايه فيه ممشاي =مثل الغريب اللي مضيع دليله
يحدني وقتي على ضيم دنياي =ورضيت بالمقسوم حتى قليله
ياطول بالي وآه ياكبر بلواي=أخفي عن العدوان همي واشيله
اخاف ابوح بسر قلبي وشكواي =وتصير نفسي بين ربعي ذليله
أضحك ودايم بسمتي تسكن شفاي=ومن شاف حالي قال محد مثيله
وأنا بجوفي هم والنار بحشاي =والجرح ينزف والليالي طويلة
والعمر يمضي بي وحاير ممشاي =محروم من طعم الحياة الجميله
اليأس حل وماتت اليوم رجواي=ولاعاد لي غير الصبر من وسيله
يالله ياعالم بسري ونجواي =تشيل عن قلبي هموم ثقيله