[معلومات العضو فهد الغريري]

بسم الله الرحمن الرحيم

السلام عليكم ورحمة الله وبركاته

الاخوه الاعزاء منتدى قبيلة الدواسر الرسمي اقدم بين ايديكم

هذي القصيده التي وقعت في يدي وهي تتحدث عن الأبل وجمالها

والسموحه لعد ذكر اسم الشاعر لاني لا اعرفه

ومن كان يعرف اسم الشاعر فاليذكره جعله يحيى.

يا باغي البكر السناد الرقاقة= اللي غريبٍ شكلها ياهل النوق
اللي عشقها راعي البل عشاقة= أشتاقها من دون عاشق ومعشوق
من جات عنده جات سيد نياقة=مع عرضها اللي وافيٍ طولها فوق
يلعب لها جمهورها باللياقة=لا جا نهارٍ فيه ملحق ومفهوق
في زمة المرباع فيها طفاقه=زرجٍ تقوده في المرابيع مطفوق
دور لبوها في فحول الرفاقة= خطوا أملحٍ متنيوطٍ كنه ملحوق
كنه اٍليا اقفا فاجحٍ فوق ناقة= وليا نطحته في النحر كنه مدقوق
من طول عظمة من بعيدٍ دقاقة= فليا قربته شوقك بالعضا شوق
افجح تعاوج لا مشا عظم ساقة=والخف كنه مدرعٍ فيه طابوق

وســـلا مـــتـــــكــــم

اخـــوكم / فـــهــــد الـــغـــريـــري,,