ياليتني سجيت=
ياليتني سجيت مارحت اوصيك=كان اللتمس لك عذر لومانت معذور
وانا ادري ان العلم ماهوب خافيك=يدريبه اللي لــه ســنتين وشــــهور
العلم واضح مانبي فيه تشـــــكيك=ولانته على بعض المعاذيرمجبور
واصل طريقك جعل ربــي يهنيك=عسى طريقك لك بســاتين وزهور
لانتـــه براجيني ولانـــــي براجيك=ودرب الفرج مفتوح ماحط له سور
ومن لايحل معقدات الشــــــرابيك=كم غره اللي يسدي الراي والشور
ولاتحســب الدنيا توقف على هيك=الايــــــــام حبلى كل يومً وله دور
والصاحب اللي وقت الازمة يخليك=وش ينفعك ضحكه الى صرت مسرور
يبغيك لاجا لازمه مالك بريك=ولاجا لزومك مايبي جنطه يدور
ويبغي القلايع كلها ذيك من ذيك=وهويدوب يضوي العرج والعور
الله على اللي لانخيته يهقويك=كنه يحس بما تحسه من شعور
والشكرللي له عباده مماليك=اللي خلق الانسان من طورفي طور
سالم بن صمهود=