لاتعاتبني على البوح أنا كلي عيـــوب!!
وأكبر عيوبي مع الكذب يابعد الطــرق
ألتوى حبك على القلب منّك مايتوب
مثل حرفك الاجنبي لاكتبته بالورق
لاتصدق عنك أبأسلا لو أن الماء بيروب
ولو تخلى قاسي الهم عن معنى الأرق!!
لآجل عينك بأنطح جيوش وأقوّم حروب
لين أبرهن لك كلامن لساني به فــرق
أدعي الله وأطلبه كل ماهبت هبــــوب
يرحم اللي كل ماطروا أسمك له شرق!!
ثابت بالتجربه والمثل ماهو كــذوب
من تعلم كيف يسبح نجا شر الغرق
والمصلي لا لقى الماء عفوره ماينوب!!
وماخبرنا بارق الصيف يصدق لو برق!!
إيه..أنا لك بأعترف شفتك بكل الدروب
والله أني مع خيالك أبد... مانفتــرق!
إيه أشوفك في شروقي مع لون الغروب
وربي أن الشوق لآجلك يشب ويحتـرق
لاتعجّـب ! يوم أنا قلت لك كلي عيوب!!
بالصدق والله لآمشي معك كل الطرق!!
وسلامتكم