بسم الله الرحمن الرحيم
والصلاة والسلام على اشرف الانبياء والمرسلين وبعد....
قصه سمعته من احد الأقرباء و حبيت اطرحها لكم......
حصل نزاع بين قبيلة ال أبو زمام من المساعره من قبيلة الدواسر و بين احدى القبائل في عهد الملك فيصل على ما اعتقد.
وكان الشاعر محمد بن سعيد الزمامي موجود مع ربعه؛كان رجل شجاع و بان فعله في ذاك الموقف واندهش العدوان من فعله والغلبه كانت له ولربعه.
ودخل على اثره السجن و قال القصيده:
ابن سعيدٍ هيّضه قافٍ لعبّه=من هواجيسٍ بصدره مردفاتي
لا عذلت القلب عيّا ويش طبّه=من يلومه جعله يسوي سواتي
من قعد ما زارنا والله ان اسبّه=جعل ياتي السجن يديه مكلبشاتي
دخلوه الشبك دون الشبك صبّه=ما يشوف من السما كبر العباتي
جعل من خلّى ابن عمّه ما ينبّه=جعل يسجن في الأمور الكايداتي
لا دخل يسمع كلامٍ ما يلبّه=و المدافع من وراه مركباتي
حكم اخو نوره صليب العظم جبّه=و اليسد والذيب لامره طايعاتي
زين ضوٍ للنشامه وسط خبّه=بين ربعٍ ينطحون الموجباتي
نجرهم لاحركه حسٍه قنبّه=مثل ذيبٍ جر صوتٍ في فلاتي
سعد أبو من شرّف المرقب وذبّه=عند ذوده في مرب الجازياتي
تقبلوا تحياتي
القويسي