[معلومات العضو ابو زيد الغييثي]

بسم الله الرحمن الرحيم

اخواني الكرام ان بين طيات هذا المنتدى رجال مهما سطرنا عنهم فلن

نوفيهم حقهم ومن بين هؤلاء الرجال الاخ والصديق العزيز وابن العم

(( عبدالله بن مصلح الخييلات )) عضو موقعنا الذي مهما

سطرت فلن اعبر عن مدى احترامي له واحب ان اقدم اليكم اخواني الكرام هذا المقطع

الصوتي للشاعر الكبير / محمد بن ناصر بن هديهد الغريري

الذي تشرفت بسماع هذا المقطع منه عند الاخ والاستاذ : فهد الغريري قبل عدة اشهر واليوم اضع هذا المقطع بعد ان طلبت من احد الاخوة جعله

مقع mp3 اتمنى ان تعجبكم

من نفود العرق جعل الحيا يسقى وطاه = ديرة ٍ من حبها ما نبي فيها بديل
مرتع هل الذود ما غيرنا حىٍ رعاه = محتمينه يوم ضرب الهنادي والفتيل
عزوة غررة ٍ تطوع فعايلها الطغاه = تصخر العايل إيلا عال ويعود الذليل
برسل اللي يوم أوصيه ما ينسى الوصاه = يوصل المكتوب والقاف عنوان الدليل
للجبيل ومن سكنها غلاها من غلاه = صوب أبوسلمان والمدح بالطيب جميل
الكريم إللى ينومس بطاريه ونباه = مقصد المحتاج واللى شكى الحمل الثقيل
طيب ذكره عند الاجناب يطربنى صداه = راس مال ومال والله على قولي وكيل
طال عمرك يا ابن عمي على عز وغناه = يوم وصفك يابن مصلح فى العالم قليل
للمراجل و الوفاء غايته تسبق خطاه = هو زبون الغاليه يوم للغالي عميل
فاللوازم ما تعذر لمن جاه ونصاه = يوم ولد اللاش يبحث لمخراجه سبيل
قلتها من دافع الود ما شيٍ سواه = والثنا فى مدح شرواك مقصود وحصيل
القصايد زرفلت يم عبدالله كذاه = كل بيت يا ابن سلمان ياتيبك جزيل
يا سلايل لابة ٍ فعلها محد ٍ حصاه = آل خييلي ممنيـن المخلـى والدخيـل
قلتها والشاهد الله عليه في سماه = الثنا باهل الثنا حق والمعنى سبيل

واعذروني على القصور


ابو زيد