[معلومات العضو تركي هذال بن نيف]

اعزائي اداره واعضاء وزوار هذا المنتدى الشامخ برجاله

بعد التحيه والسلام 0

بناءآ على طلب العديد من الأخوان تنزيل قصائد من قصائدي ولو كان فيه من الشعار من

هو افضل مني ولكني اشكرهم على ذلك 0

اليكم هذه القصيده ارجو ان تنال اعجابكم 0

يالله ياللي ماعبدنا غيره = يالواحد المعبود يارحمان
انت الأله الواحد الفرد الصمد = وانت الكريم المعطي المنان
يارب تغفر زلتي واذنوبي = لاجاء الحساب ونصب الميزان
يوم جميع الخلق تاقف عاريه= على صعيده والقدم حفيان
ولبصار تشخص لسماء مذهوله= والشمس تدنو فوق كل انسان
يوم يقول العبد نفسي نفسي = وفيه الخليل يبور بالخلان
الطف بناء واغفرلنا وارحمنا= ياربنا النجاة والغفران
ومن بعدها ياسامع القول عندي= نصيحة مابعتها بثمان
نصيحه لهل القلوب الواعيه= وإلأ المصده غرها الشيطان
اوصيك مع نفسي بطاعة ربك= رب العباد الواحد الديان
رب خلقنا واعتنا برزاقنا = سبحان قيوم السماء سبحان
تجنب المحضور واد الواجب= وهاة الفروض وقوم الأركان
وخلك على سنة نبيك طاها = شفيعنا لازوغة لذهان
والوالدين اوصيك واعرف برهم = وصابه الرحمن في القرآن
اخفض جناح الذل لاجيت عندهم= وخلك عليهم وارف الحنان
ولاتقول أف ولاتنهرهم= واعرف تراك الدين ثم الدان
والجار بالك لاتكدر خاطره= وصى الرسول بسابع الجيران
خله عزيز دايم ومكرم= ولا تطيع الورع والنسوان
والضيف لامن جاك قدم واجبه= وخلك بشوش طاير الحجان
خله الى من راح منك يذكرك= بالخير والمعروف والأحسان
وترى الخوي على خويه لازم= في الدين وايضا العرف شانه شان
خله مثل ماقيل حسبة واحد= من ربعك الخالين او لخوان
ولا تصاحب كون رجل طيب= تلقاه لاشح الزمان وشان
والأ الردي ماينفعك لاجيته= لاجاء نهار فيه مس ابطان
ولاخاطبك خطوى بليد جاهل = خلك حكيم بالعقل مليان
دارك عليه وخل فيك الحمله = لوكان فيها يالسنافي كان
هذا زمان شاخبه غير اهله = راع القلم والدرهم الرنان
هذى نصيحه سقتها لسامع = ورجو السموحه كان به نقصان
وختام ماقوله صلاتي على النبي= اعداد ماهل الهلال اوبان

والسلام عليكم 0

تركي بن هذال بن نيف