.
.
•
سابق الساعه وتسبقني الساعه
تقضي وأنا توني بأول ثوانيهــا
أبشري وقت وين أسواق بياعه
ياللي تبيع الدقايق حد وأشريهــا
قلبي يبي وقت لو الوقت ما طاعه
وعيني تبي شمس لو الشمس تعميها
ونفسي مثل باقي الاجواد طماعه
أبي أجدد على الفرحه لياليهــــا
لاشك الايام للفرحـــــات مناعه
لو نورت ليله عشرين تطفيهــــا
يظهر ثبات الفتى والنفس مرتاعه
خوف على اللي تحبه من بلاويهــا
لو ان كل ينال امناه بذراعـــه
خذيت حقي من أقصاها ودانيهـــا
المشكل انك يابو لحظين بتاعه
تأخذ سلاحي من الكفين واعطيهــا
وأنا أدري إن العيون السود خداعه
لاشك ودي أصدق منك داعيهـــــا
والمهتوي لا أهتوى مايطوي شراعه
يمشي على النار كنه ماوطى فيهــا