كل عام وانتم بخير
بصراحه كل ما قلت بصمل عن الشعر والمتابعه فشلت 
حضوري
لأحد
شعار
اعتابة
الهيلا
اعجبني طرحه
اتمنى ان يرقى
لمستوى الذائقه
انتخيت بقدح راسي واقبلت ريح الخيال=ساقته في ليل صيف يشق حره بردها
قلت هلي ياقصيده فوق مزبور الرمال =دامني مالي ومال اللي هماج عدها
امطريني لين يشرب عرق قلبي من زلال=قلب حر ويعربي صم الجبال يهدها
انثريله ياسحابه من مخاييل الجزال=والضعيفه جنبيها فيه منهو سدها
جا مجال القاف والعب ياقصيدي بالحبال=والحبال اليا بغيت ارخي لها واشدها
ذي تحل وذيك توثق كل شي وله مجال=لد . .عينك يامفتح في كلامي لدها
ماتغزل فالجميله والتغنج . . والجمال=ولا تبوس حروف شعري من حلاها خدها
شاعر شاف الليالي بين حله وارتحال=والنفوس تعدهنه والليال . . تعدها
والغروره غرت قلوب النشاما والعيال =ترفع الهامات عليا والنحور تقدها
ماينازعها نزاع . .ولا يجادلها جدال=والخواتم صفصفتها كلها في يدها
يالزمان اللي يهز الحلم في حظن المحال=رد فزعة سالم الزير المهلهل . . ردها
ردها لين الرجال تشوف ماضين الرجال=والهلايم للخرايم يامهلهل . . . ودها
نعنبوها كان ماترقى طويلات الجبال=ولاش منهو حاش ذود القوم ثم ارتدها
دامها في وقت فيه ريال مايسوى ريال=والجزيله مالقت يمنى كريم . . تمدها
واختفى المفهوم حتى غاب عنا واستحال=وكل كلمة حرفوها لين جات بضدها
يا منشين العمايم . . والطواقي والعقال=ماشقاكم غير خصلات الشعور وكدها
فارق الله خطوتينا كل حين وكل حال=كلمتي والكلمه اللي تستحيها بدها
ويالسحاب اللي تقادح برق مزنه لين سال=كنه زناد العتيبي يوم يقدح زندها
شب ناره للرجال وساق فنجال الدلال=حي عينك ياعتيبي قلتها واعتدها
لابتي والطيب فيها من قديم ولايزال=الكرم في عرق ابوها والشكاله جدها