[معلومات العضو تركي ال فنيس]

غزوا ال مره الوداعين الدواســــــر واخذوا الابل واقفوا بها ولحقهم الوداعين وحصلت بينهم وقعه شرسه وانتصروا فيهااا الوداعين الدواسر:
وبهذه المناسبه قال الشاعرمبارك ابن شيبان الودعاني (الهذية) رحمة اللة هذه القصيده:

يوم ان ابن شيبـان يديـر التفاكيـر=وده يـروح لـه ركايـب وركـاب
شدوا علـى ستيـن وجنـا مواقيـر=مقفـلات كنهـن عقـب مـطـلاب
موسـم ماهـوب وسـم المناصيـر=الا مبيعيج علـى عطـف الأرقـاب
يازينهـا صـف بلـيـا مدافـيـر=ومن الظفر ماجنبـت كـل مرقـاب
واهل الأشدة كـل ابوهـم مشاهيـر=وعلى عيوز اكوارها كـل معطـاب
تنصى لنا الجريان هم والمصاريـر=اهل الظفر لاجات صولات الأجناب
لحقوا علـى قـب سـواة النواعيـر=الأصايل اللي عربوهـا بالانسـاب
واهل التوالـي علقوهـا الشوابيـر=تكثح على اللي قاعد الخـد بتـراب
قولوا غزانا جـردة مـن الجوافيـر=قوم وقايدهـم علينـا ابـن جـلاّب
ساروا ولا لقيوا على القـاع تأثيـر=لين اشرف البادي على راس مرقاب
قال ابشروا بالبـل كبـار الجنافيـر=ابشر وسرح الحضر ماهوب ينهاب
يوم اقبلت كنهـا ركـوز النواعيـر=ترثع وحذفـوا العـوادي بالاسـلاب
راحت على الغفران واقفوا مدابيـر=يوم الهدايا بيننـا صـب الاصـلاب
المري اللـي كـان مافيـه تنكيـر=لو كان ياتينا مـن العبـر ماهـاب
اليـوم بـار وبـوره نيّـة الخيـر=واصبح لنا ابن بقيع اليـوم حـراب
ياطول ماله وسط الأطـوا دواويـر=مصداره القانس ويشرب على اشراب
ذولا على مـدي وذولا علـى بيـر=وذولاك في القطعة يطقون الاطنـاب
وان صاح صياح ورا المال تذويـر=لووا على روس الغتـر بالتعصـاب

ابن جلاب : من ال مره
الجوافير: مرتع اللابل شرق يبرين في ديار ال مره
الغفران: من ال شبيب من ال مره
ابن بقيع : من ال مره
(منقول من اشعار الدواسر ) (( حققه وعلق عليه ابوعبدالرحمن ابن عقيل
الظاهري ))