مشاركة لنجدية أقول لها :
الله يكفي شر دورات الأيام
لو أقبلت لبد تقفي سريعه
كم فرقت من ناس عقب التليام
لوجمعت يوم تفرق تبيعه
كم واحد منها سهر عقب ما نام
من جورها ضاقت عليه الوسيعه
ذي عادة الدنيا على دور الأعوام
تقبل وتقفي غيبها ما تذيعه
تمضي بحكم اللي على الغيب علام
اللى فرض للخلق حكم الشريعه
يا جاهل الدنيا ترى كلها اوهام
مثل السراب اللى يغر بلميعه
من غرته يلقي الحسايف والأندام
عقب الطرب منها يذوق الفجيعه
سبحان رب في حكمها دام
الواحد اللي ماخسر من يطيعه
للشاعر /سعود السليمي