اقف احترام وهيبه امام حرفه الرصين
تميز قلمه برزانة الحضور
قصيده من اروع ما قرأت
اسلوب داعيه متمكن
قلة من تتوفر به هذه الصفات
ثبته الله واعلا قدره في الدارين
شاعري هو برجس العواد
سنّـة ٍ للكون خصم الحق فـ الميدان ثابر=والرجال اللي تصيب الحق امدّ لْها يديّه
يا خوي الدرب اعرف ان المنابر شيب صابر=وانـت مـنـبـر جـهـبذه تطغى عــلـيه العبقريه
القــلم والفــكر والمبدأ سيوفي فـ المنابــر=من جراب الدين ما هي من جراب الجاهليّه
والله اني مالتفت يمّ الردي والاّ المكابر=واقف ٍ في صامل الميقاف واضحك ما عليّه
حالف ٍ ما خيل مزن ٍ مع هبوب الصيف عابر=عــزّتي للي حــرق عــينه ببرق العقربيه
الدموع اسقت جفاف الخد والباقي محابر=بين صفحات الورق والعين نزعه عنصريه
قلت يوم القوم تسلا عن ملاحيد المقابر=بالغرام وبالهيام وبالعلوم العنجهيّه
يا كريم الطف بنا قدّام ضيقات المعابر=قبل نفسي ما تورّدها على حوض المنيّه