[معلومات العضو ولدالشيوخ]

اعذروني طويل بس حلوه بتعجبكم وانا ماامل من قرايتها ودايم اهلها على الشيبان هل المره شباب يالله تدلعو



يالله ياللـي كـل حــيٍ يسـالـك * يـا واحـدٍ كـلٍ يخافـك ويرجيـك

يا قاسم انـوال المـلا مـن نوالـك * وقبضة نواصي الخلق كلهن بياديـك

اتفك عقد احبـال عبـدٍ شكـا لـك * مستبـرمٍ حبلـه بعقـد الشرابـيـك

بعيدٍ عن الداني دعـا والتجـا لـك * يا من هو المالـك وحنـا المماليـك

ارمـي بحالاتـي لذيـك التهـالـك * تفرج عن القلب الذي فيـه تشكيـك

ما به من الحرفـات الا الدعـا لـك * والحيـل قصـر والأيـادي مفاليـك

فليا اقتضى عسري بحسن الرضا لك * فاجعل لنا صبرٍ على العسر يرضيك

سايلت داعي البيـن مالـي ومالـك * من كل صـوبٍ كاثـراتٍ دعاويـك

قال إن هذا الأمـر لا لـي ولا لـك * أمرٍ قضـاه آلهـك اللـي مسويـك

لا تعترض أم القـدر فـي جدالـك * ولا تحسب إن اللي مصيبك بيخطيك

قسمت حظوظ الخلق قسم السوى لـك * ومكتوب حظك يالفتى في نواصيـك

جف القلم باللوح فيمـا اقتضـى لـك * إمـا سعيـد الحـظ وإلا مشقـيـك

وأنا اشهد أن اللي كتب لـك ينالـك * يالعبد ربـك باسـم حظـك يناديـك

كـلٍّ بتقديـر الولـى طـاب فالـك * اصبر علـى مـا قـدر الله يأتيـك

ولا تلوم النفـس فيمـا جـرا لـك * تبور غالـي سلعتـك بيـن أياديـك

ويلومك اللي مـادرى عـن حوالـك * ولا درى ويش الدهر محـدثٍ فيـك

محدٍ درا ويش الذي صـاب حالـك * وما جرا لك مـع صديـقٍ معاديـك

بمكايـده يبـلـن الأيــام حـالـك * وعن المـوارد قاصـراتٍ مداليـك

ما شام بك من ديرتك عـن عيالـك * وما عرضك درب الخطر والتهاليك

وين انت والأقـدار يـوم ارتحالـك * في وسط غباتٍ بها المـوج عاليـك

مـرٍ يميـن ومـرةٍ مـن شمـالـك * والعرب من التريـك تاخـذ بياديـك

إن قيل رد البوش واربـط احبالـك * ضاقت على احرارهـا والمماليـك

فاعزم وشـم ولا تضيـق المسالـك * ولا تسـوي يافتـى شومـت الديـك

وافهم نبا ما أقول لك طـاب فالـك * سعود الفتى بالحظ من غير تشكيـك

وإن جاد حظك باع لك واشترا لـك * فوايده مـن كـل الأبـواب تاتيـك

وإن بـار بـك دلاّ يهـزل حلالـك * وبردا الثمن لزماً يبيعـك ويشريـك

وإن جاد حظك بالمجالـس حكى لـك * وصدق مقالـك كـلٍ لـك يحاكيـك

وإن بار بـك دلاّ يـكـذب مقـالـك * وتصير كذبات المـلا كلهـن فيـك

وإن جاد حظك بالمنـازل بنـا لـك * بيتٍ رفيعٍ شامـخ الطـول يذريـك

وإن بار بك خـلاك تنقـل اعيالـك * مـن دار إلـى دار ودارٍ اتجلـيـك

وإن جاد حظك كل شيءٍ صفا لـك * وقرايـب الخـلان كلـن يصافيـك

وان بار بك بين جميـع العـدا لـك * وصار المحب اعدا عـدوٍ يعاديـك

وإن جاد حظك كـل شـيءٍ عنالـك * ويباشـرك عنـد المـوده ويعطيـك

وإن بار بك ضليـت محـدٍ بحالـك * ولا بفنجـالٍ مـن البـن يسقـيـك

وإن جاد حظك قام واطلـق اعقالـك * ومشا معك في كـل دربٍ يباريـك

وإن بار بك جود متيـن الثنـا لـك * وعن كل دربٍ لك يعقلـك ويثنيـك

وإن جاد حظك كل شيءٍ زهـا لـك * حليـاه بـرواح المجالـس تزهيـك

وإن بار بـك شيـن حلايـا خيالـك * إلى اقبلت تغضى كل عينٍ تراعيـك

وإن جاد حظك كل شيءٍ أضـا لـك * يشبـه فـم القنديـل نـوره يقديـك

وإن بار بك عزيل حالـي وحالـك * ارذل رذيـلٍ هافـي الجـد يوذيـك

يالعبد لـو كثـرت حـث ارتحالـك * وعرضتها درب الخطـر والتهاليـك

تـازي بـلا حـظ بعيـدٍ محـالـك * وقلوص عزمك بالمهامـه اتخليـك

تسعين عـام يافتـى مـا بـدا لـك * ولا لاح في بالـك لـزومٍ يصافيـك

قل ول يا حظي على ما جـرا لـك * إلى قل عونـك ماجتهـادك بيغنيـك

اكتب مكاتيـب الشقـا والعنـا لـك * قل ول يا حظ الشقى اتعبت راعيـك

يا حظ لو ذيب المفالـي عـوا لـك * في مجلسٍ حاويه صـوتٍ يعاويـك

يقول لـو حظـك سعيـدٍ نمـا لـك * لو عشـرة اولادك عضيـدٍ يكفيـك

واليـوم لا تأمـن يمينـك شمالـك * يبوقـك اصـدق صديـقٍ يمالـيـك

ولا يغـرك إن لقـاك وحكـا لـك * لو عطالك مـن المواثيـق يرضيـك

اخذ الحذر كل الحذر لو صفـا لـك * عيبٍ على انك تأمن الخصـم ياليـك

تحرز بسوء الظـن وابصـر بحالـك * واحذر جليسٍ ضايع الـراي يعميـك

من سوء طبعه إن حكى بك حكـى لـك * يرضي عدوك بالنميمـة ويرضيـك

راعي المكر والبوق والكذب سالـك * وراعي الثنا ضاقت عليه المساليـك

يمشـي ورأيـه ضايـعٍ بالمهالـك * لا شاف من دونه على الوكر عاليك

ما تنظر الأقـدار فيمـا جـرا لـك * شيـوخ القبايـل يتبعـون المماليـك

فاعزم بعون الله على مـا بـدا لـك * واقصد إله العرش حسبـك ويكفيـك

صاروا ابطن اللحود ارض فمالـك * صبرٍ فهـل منهـم صديـقٍ يعزيـك

لا بأس لو من كل طرفٍ جـرا لـك * هامي سحاب الوجد من فوق خديـك

يا قلب هيـد عـن تذكـر احوالـك * واصبر عسى رب الملا يعتني فيـك

اصبر عسى تعطا خلف ما غدا لـك * رجلٍ إلى سامتـك الأيـام يشريـك

يارب تجعـل واحـدٍ مـن رجالـك * عند الشدايـد مزبـن اللـى يواليـك

في يوم ما تعطـي يمينـك شمالـك * مثقال حبـة خـردلٍ مـن حسانيـك

تعطيني مقصودي وأنا اللى أسالـك * يا سامـعٍ مـن جـا لبابـك يناديـك

واختام ملفوضي لنـا فـي مقالـك * ازكى صلاة إلى هادي الرشد هاديك