ابـتـدي بـاذكار ربـي آلـه iiالـعالمين = خـالـق(ن) مـاكان وحـده ولله iiالـدوام
جـلّ شـانه دايـم الـدوم لجله iiساجدين= نـرتجي عـفوه بـيوم(ن) لنا فيه ازدحام
يـوم هـولات الـبصر والخلايق موقنين = ومـن يـقدم بـالحساني لـقا فيها السلام
وانـثني بـالقاف لـلي لهم فعل(ن) حسين = يـوم قـافي يستوي لي على مدح iiالكرام
كل قول(ن) ساسه الفعل له حبل(ن) iiمتين = يـعتلي بـالعز مـبناه مـا جـاه iiالـهدام
لابـتي غـيث(ن) تنشى من الغربي iiرزين = بـارقه لـمع الـهنادي الـيا جا iiالاحتدام
لااسـتهاج وهـاج صـوته بـرعاده iiدنين = يـشلع الـروس الـعنيده ويـجلى iiللعسام
لا انـهمل بـالغيث سيله عقب ماهو محين = يـستظيق الـضلع مـنّه ويصفق iiبارتطام
لاانـتحا يـصفق بـجاله وغادي له iiعكين = كـل ضلع(ن) زام طوله عليه السيل iiطام
مـن مـقاديم السعد جاك وعلاج iiالحزين = الـفرج عـقب الـدهر فيه غادي له iiعلام
يـروي الظامي ويجلى عطش غبر iiالسنين = وتـنجلي بـه كـل كبد(ن) مغطيها iiالكدام
ويـنفرج به كل دمع(ن) بمحجر كل iiعين = الـفرج عـقب الـسهر يوم حاربها iiالمنام
وتـنطلق كـل كـفّن حـداها الوقت iiشين = قـصـرّوها مـبعدين الـهقاوي iiبـالسهام
ويـعتلي بـه كـل مـنهو بـحرّابه iiغبين = يـعتلي بـالطايله فـوق رايـات الـعدام
ويـرتقي بـه كـل منهو لجا صوبه iiزبين = مـن دخـل بـه قـام لعداه يصفق iiبالبهام
الـدواسـر مـجـدهم كـاتبينه iiبـاليدين = حـبره الـدم الـحمر يوم وقفات iiالزحام
لآدزايـد مـضرب الـعز حامين iiالعرين = ولآد تـغلب مـنبع الجود عآقات iiالخصام
يـوم جول الخيل والرمح والسيف iiالسنين = واشـهب الـبارود عـجه يـثوّر له iiكدام
والـعزاوي والـهقاوي وروغـات iiالذهين = والـمناوي حـدها السيف من دون iiالكلام
لا اعتلو من فوق صفر(ن) عليها iiمسرجين = واردفو من فوق جيش(ن) يبوج(ن) iiالظلام
واسـتوت وحـده ولا عـاد فيها iiخيرتين = يـوم خـيرات الـذليل الـحياه ولو يظام
نـارد الـموت الـمحتم وجـينا iiمـقبلين = نـارده يـوم الـحرايب مـثل ورد iiالحيام
كـسبنا يـوم الـحرايب من الكسب الثمين = الـقـلايع والـخزايز لـنا يـوم iiالـلحام
ريشه الشعلان كسب(ن) من سيوف iiاليمين = جـابها الـلي بـالفعايل رقـا فوق المقام
مع ربوع(ن) لا استهاجت وجاوك iiواردين = كـل جـمعن قـد نطحهم يجي فيه iiانقسام
كـم طـريح(ن) بـالهنادي لـكبده iiشالعين = قـام عـج الـخيل فـالقاع يـبرمه iiابترام
وكـم صويبن ينزف الدم واضحى كاسرين = مـانفع طـب الـمداوي ولو عشرين عام
وحـن سناد اللي من الحيف ما عيّن زبين = نـعتلي بـه ويـتعلاّ الـى حـد الـغمام
يوم جا ابن مطرّف(ن) ثم قفاه اللي iiظمين = الـشـريف بـعـدته كـمـلوها iiبـالتمام
حـولـو بــه لابـتي فـاللقا مـتسابقين = ثـم رغا من عقب ما هوب غادي له iiرزام
لـين كـد الـقاع وامسى على قوزه iiدفين = واسـتمت باسم الآسامي على من كان iiهام
وفـي ثـرانا يـشبعّن الضواري iiمطعمين = وفـي ثرانا كل طير(ن) على العدوان iiحام
يـشهد جـريس الـيماني وحنّا iiالمحتمين = مـا نـعينه مـن طـليبه وربعي له iiحزام
يـستظّل بـظل رمـح(ن) يـظل iiالخايفين = ويـتذرا فـي ذرا الـسيف قصّام iiالعظام
وقـد شـهد بالفعل برك(ن) وحنا خابرين = يـوم ابـن بـدران لـلحرب قاده iiواستقام
نـثـني نـمـنع ونـارد وحـنا iiقـادمين = لـين نروي حربه السيف من كبد الخصام
وكل فعل(ن) قد ذكرته على ساس(ن) متين = يـشهد الـتاريخ دايـم وهـو خير iiاحتكام
والـقبايل وافـيه بـالوفا طـول iiالـسنين = مـانغط فـعول مـنهم عـلى العليا iiكرام
والـصلاه خـتام قـولي عدد مر iiالسنين = لـلرسول الـلي بـهديه جلى عنا iiالظلام