[معلومات العضو شافي القويسي المخاريم]

يقول المنيعي والذي هيـض الغنـا=من عيلمن غزرن وانا قفـل بابهـا
كن القـوارع يـوم عدلـت قافهـا=فقرن معـا بطحـاً يفـوح اقتلابهـا
ابني على ما ارى على قد خاطـري=واقلامـي لسانـي وقلبـي كتابهـا
من عقـب ذا يـا راكبـن عيدهيّـه=وقم السـدس واّلا مظاهيـر نابهـا
ركّابها ظفـرن دليلـن ليـا هـرج=وان حيل بالحيلات يقطـع عقابهـا
تلفي لنـا شيـخ الضمانيـن ظافـر=عطنا جوابـه واسرعـوا بانقلابهـا
قل لـه تعدّايـه يبـي ورث جدنـا=هو عمد والا غرتـن مـا درابهـا
فان كان ذا جهلـن عذرنـا لجهلهـم=وديـارنـا متعذّرتـهـم جنابـهـا
فان كان خضرينن طرابـاً لحربنـا=فحسو العدد جينابهـا فـي حسابهـا
هجف الخشيب الضيق جوّارة الثمن=ومكثرينـن كنـز عـده زهابـهـا
بيدين ربعن تنثـر الـدم فـي اللقـا=كم حف قومـن علّقوهـم صوابهـا
(لاد المنيعي) من على الجد والولـد=هيشة يسودن عذبـت مـن عدابهـا
قد جيت يا الخوّان في ماجب الخطـا=تبغي حدودن قبلكـم مـا انهقابهـا
زغوا لك الشيطان من كثر جندكـم=تقـدا جـرودن مـا يقيّـم حسابهـا
وانّا نجـي عشريـن نقّالـة التفـق=ما حن بواجد ميـر جينـا عذابهـا
هيلـوا علينـا فارتكينـا لجمعهـم=بمسلـلاتـن مدبحـاتـن رقابـهـا
نقعد بها العايل ليـا ساقـه الشـره=ماوٍ كما وصف البرد مـن سحابهـا
أول هددنا مسلطـن وابـن مـرزح=احدن عشاً للطير واحـدن قضابهـا
لين انثنوا عزرن على الكره والرضا=يقولون ليت اطماعنـا انلـد بابهـا
وتناوشوا رنيه على الطوع والصعب=وخلّـوا معوثتهـم تعـاوا كلابهـا
برّد على كبـده بورعـن وشايـب=عـودن حياتـه زل مقـدم ثوابهـا
فزدنا حروره بابـن هايـف محمـد=ظفرن وعيد اللـي حفايـاً ركابهـا
لبست هنوفه غبرتـن عقـب حليهـا=وخلّي دلالـه تحتثـي مـن ترابهـا
وخميّسه في حامي السـوق وقّفـت=وهي كل يومن كان يسحق خضابهـا
هذا وغيـره مقبلـن ميـر ينتظـر=سود الليالـي بـد تجلـب غيابهـا
الحسو لك تاليه يـا محسـن الحكـا=فـي قيفتـك واّلا نـوادي حبابهـا
والله لا لا مالـك البـر والبـحـر=اللي له الشيخـان وطّـت ارقابهـا
ان قد نجيك مجاهر العين في الضحا=نجعل وهايـاً مـا يرقّـع خرابهـا
لين المشارب يركدن عقـب كدرهـا=والعين ترغب للدوا مـن غضابهـا
ويستقنع الطمّـاع يرغـب لمملكـه=من دورة أطماعن ولا هوب صابهـا
حدّانا يا معمـس الـراي والبصـر=قبلك من العربان كـم مـن نوابهـا
ميـر احتموهـا لاد زايـد بفعلهـم=بالبذوب واللـي مرهفاتـن حرابهـا
وكلن عجز من سلمه اللي به اتعبوا=يهمـل حلالـه جارنـا لا وزابهـا
وفي حدّهـا تمّـن عصانـا خويّنـا=وكلّـن يجنـب طرقتـه لا درابهـا
يوم ان خويّك تاخـذه قبـل يغتبـي=وشيبانكـم يقضـون بالجـار نابهـا
وشهودي الاد ابن مسرد هـل النقـا=في سرق بـدّك كثّـر الله خرابهـا
وختمت جوابي قلت صلّوا على النبي=يا حاضرن قولي بختمـت جوابهـا