بسم لله الرحمن الرحيم
سلام يا لاد المنيعي من صناديق الضمير=سلام ياللهضب المسمى والشجاعه والفخر
سلام يا لاد المنيعي من كبير ومن صغير= سلام يا رووس الرجال الي تدوسون الخطر
راسي يشوش من الفعول الي تشيب بالغرير= فعل المنيعي يوم شبت النار والموت الحمر
يا جعل راس ما يشوش الموت والسيف الشطير= يعيش عيشة محتقر ويموت موتة محتقر
لاد المنيعي للمعادي علقم وشر شرير= ولصاحب الطف من زماليق الخزاما والزهر
يا عزوتن تسكر على صوت البنادق والنذير= والسيف الملح والجنابي ماهي بتسكر خمر
لكم على الطالات ميراد على الجم وصدير =ولكم على الاطلال مايبرد لواهيب الصدر
حنا لكم وانتو لنا في شمس ولا في هجير = دواسرن لامن كسرنا العضم يبطي ما جبر
مافيه منا واحدن قد صار في الصف الاخير= آمرين يا اما العز في الدنيا يا مووت معتبر
دواسرن وافعالنا تحير بالي مايحير = وسلومنا ماهيب لا مع زيد ولا مع عمر
حنا مزبنة الملوك وكل سيف له جفير= يوم الوجيه وجيه والدنيا لها بطن وضهر
وحنا مروعة الشيوخ بحد سيف ما ينير= يومنها تطحن رحاها بالشيوخ وبالجبر
وحنا مدلهة الغريب اليا لفانا والقصير= وحنا شغاميم الرجال اهل العوايد والضفر
وحنا لنا التاريخ يكتب من تبوك اليا عسير= ان الدواسر في العلاء العالي لها بيت ومقر
وحنا نخلي مايجي عسير بذن الله يسير= بشر لاكنا في الحرايب ما تقول انا بشر
هاذا قليل من كثير وكل ما قلته يصير= دامه مجير بالدواسر عز في سر وجهر
وسلامتكم وسامحوني على التقصير