نـصـيـحــه مـــحـــب =
هيه ياللي عندك الدعـوى تشابـه=عندك الميزان به مخطي وصايـب
استمع هرجي وحطه لك عصابـه=كان تبغى الطيب ودروب النجايـب
من عجز فالمرجلة بـاول شبابـه=ماقـدر فالمرجلـة لاصارشايـب
ومن قصرطيبه عن اصله والقرابه=جهده اللي يبذلـه لنـاس خايـب
مثل من ينثر في البطحـا شرابـه=اومثل من لبـس ابعيـره جنايـب
خذ نصيحة منصحلك فـي جوابـه=وفي زمانه شاف غرات وعجايـب
انتبه حـذرا ترافـق لـك زلابـه=مايجيب الخيرمن خاوى الزلايـب
المثل معروف والصاحـي درابـه=كـل طيـر يميزونـه باللعـايـب
ولاتلحق كـل مـن قصراسبابـه=صرت مثل البوم في وسط الخرايب
ادمـح الزلـة تـرى العلياذرابـه=والسكوت اخيرمن بعض الطلايـب
كود مـن قصرقصـور ينحكابـه=يفضحه بين المعرفـة والقرايـب
مثل هاذى ماينومس مـن غزابـه=ولايشرف عرف مدهون الصلايب
اخسـره لالــه وقارولامهـابـه=جعل تسفى جرته هـوج الهبايـب
ولوهرج حذرى تسمع في خطابـه=بـارع فالهـرج وفعولـه كذايـب
رافـق اللـي لاحضركـل درابـه=وفرجته تنشاف لامن صارغايـب
والصلاة ختـام هرجـي والكتابـه=عدماهلـت هماليـل السحـايـب
الــــصـــــلـــــف =