اقتباس:
وهرج النميمه والقفا لا يجي فيـك
وأياك عرض الغافل أيـاي وإيـاك
تبدي حديث ٍ للملا فيـه تشكيـك
وتهيم عند الناس بالكذب واشـراك
واليا نويت إحذر تعلـم بطاريـك
كم واحد ٍ تبغى منه عرف وأغـواك
وأحذر شماتت صاحب ٍ لك مصافيك
وليا جرالك جاري ٍ قـال لـولاك
و لا تحسب ٍ ان الله قطوع ٍ يخليـك
و لا تفرح إن الله على الناس بـداك
الضيف قدم له هلا حيـن يلفيـك
وممّا تطولـه يافتـى الجـود يمنـاك
إحذر تلقي الضيف مقرن علابيـك
خله محب ٍ لك صديق ٍ ليـا جـاك
ووصيك زلا ت الرفيق ان عثا فيك
مازال يغّطاها الشعر فا حتمـل ذاك
راعه ولو ما شفت إنـه مراعيـك
عساك تكسر نيتـه عـن معـاداك
وإحذر عدوك لو ظهر لك مصافيك
خلك نبيه وراقبـه ويـن ماجـاك
لا تامنه واطلب مـن الله ينجيـك
ويكفيك ربك شـر ذو لا وذولاك
شفني انا يا بوك بآ مـرك وانهيـك
عن التعرض بين الاثنيـن حـذراك
إذا حضرت اطلابة ٍٍ بـه شرابيـك
اسع لهم بالصلح والـلاش يفـداك
ابذل لهم بالطيب ربـك ينجيـك
ولا تجضع الميـزان مـع ذا ولا ذاك
أما الشهاده فادها إن دعـوا فيـك
بيّن عمود الدين لا عميـت أريـاك
بالك تماشي واحد ٍ لـك يرديـك
طالع بني جنسك وفكـر بممشـاك
رافق أصيل ٍ في زمانـك يشاكيـك
لاشاف خلا تك عن الناس غطّـاك
وحذراك عن طرد المقفي حذاريـك
عليك بالمقبل واترك اللّـي تعـداك
ثم إلعن الشيطان حـذراك يغويـك
تـرى ان تبعتـه لشرابيـك وداك
وأوصيك لا تشكي علينا بلاويـك
انت السبب اطرفت عينك بيمنـاك
وإعرف ترى اللّي واطا الفعرواطيك
ولاأنته أعزمن الجماعـه هـذولاك
ألمسك ياراسي من الذل وأخطيـك
وأحذر تكلم يالسانـي وحـذراك
|
من أروع ما قيل في الشعر.... لاهنت أخوي على المجهود الواضح في نشر كل ما هو مميز
النادره