اخواني اعظاء هذا المنتدى الكرام يسعدني التواصل معكم مجدداً بهذه القصيده الجديده ومناسبتها
عندما سئلت عن سبب عزوفي من الظهور في بعض الوسائل الاعلاميه وبذلك احببت ان اوضح الأسباب بهذه القصيدة وفيها اشارة الى الخطاب الموجه لي من مقام سمو سيدي الامير سلمان بن عبدالعزيز امير منطقة الرياض والذي سبق وان حصلت عليه منه شخصياً وهو يحتوي على شكر واشاده بخصوص احدى قصائدي التي تقدمت بها الى مقام سموه الكريم
مانيب في حاجة الشهره والاعلامي=كل ٍ مقدر واقول مكثر ٍ خيره
اللي بعمري كسبت اعتبره وسامي=خطاب سلمان عندي مالي بغيره
حضيت به وافتخر به طول الايامي=دامه لي موجهٍ شكره وتقديره
سلمان عز الرياض وسوره الزامي=زيزوم اهل نجد لاعدوا مشاهيره
شيخ العداله سند من جاه منضامي=بحر الندى ريف شعبه طيب السيره
المدح يعرف له شروط وله احكامي=ومثله الى قيل فيه يزين تعبيره
والشعر امانه وعقل ومنطق ٍ سامي=وذوق ٍ يعبر بشتى الحسن تصويره
اخترت لي منه ما يلزمني الازامي=في ما يورد من العلم ومصاديره
ولا فلانيب طرادٍ للاوهامي=ولا نيب من يجهل القول ومعابيره
انقد على اللي تغره بعض الاحلامي=اللي دليل الكلام اخلف معاييره
لو قال ما يظهره عن دين الاسلامي=اهم شي تصفق له جماهيره
وانقد على اللي يدور فيه الاقيامي=اللي للاطماع حاميةٍ مداويره
يمشي مع الناس مداح ٍ وذمامي=من شاف كنه خشيره في مذاخيره
ما يدري انه لنفسه صار ضلامي=وانه بمسعاه خانه سو تفكيره
قلته كما قالوا اهل العرف قدامي=يا سعد من دله الله منهج الخيره
وسلامتكم جميعاً