[معلومات العضو ابو مسفر الدوسري]

ياناشدن عـن حالتـي لاتلومـي=ماني على بوح الاحاسيس محروم
اسهر وسهري ياعزيزي همومي=همن يغوص بداخل القلب مكتـوم
همن سطا وسط الحشا كالسهومي=يكفخ ولا يترك نعيمن ولـو يـوم
اسهر وسلي سهرتي بالنجومـي=كني على شر الهواجيس ملـزوم
ياحنيف محدن في نعيمه يدومـي=كلن يذوق الهم كما ذوق مظلـوم
كلن على همـه تجيـه الثلومـي=ماتتركه الا وهو بيـت مردوم
يصبر على همه قوي العزومـي=اللي على المكتوب صابر ومحتوم
ياحنيف ودني لي مكان الغيومـي=اللي بها انسا عنا كـل شغمـوم
ارضن وسيعه صفرها مايدومـي=في وسطها خيرن للنعام مقسـوم
تحت المطر يحنيف حظي يقومي=حزة ربيعن نبتها فـوق منظـوم
به ديدحانن في حماره رحومـي=افرح بشوفه في تواليـه ملمـوم
فيه الخزاما منبتـن كـل يومـي=نبته على الاخر بالاغصان ملطوم
فيه ام سالم في غديـره تعومـي=من شافها يفرح ولاهـو بمهمـوم
في كشتتن تنهي جميع الهمومـي=بين النشاما علمهم فوق مرجـوم
فنجال بنـن مايذوقـه رخومـي=مايشربه منهو على الحقد ملهـوم
دنيا الشقا يحنيف تهبـى تدومـي=حتى ولو صبري بالايام مضيـوم

[/poem[/poem]]