مساء الخير ياهل الخير
كلمات بسيطه اتمنى لها اقل رضاكم والمعذره لن كان بالقول تقصير
قلبي يعورني وربي من الحب=ياليتني ياناس ماكان حبيت
اثر الهواء والحب ياناس يتعب =عزالله اني طحت فيه وتساويت
مالي جدى غير اسحب البوك واكتب =واجر بالصوت الرفيع التناهيت
هذي نهايات الغلى انهان ونسب =يانعنبو منهو يحب السرابيت
لو مركب الجيب اليامن ظقت واذب =وافج به عسر الفجوج الخناتيت
وادور اقصر خط للبر واقرب =واربط احزام السلامه على السيت
وادوسله بثنين لين انه يشخب =واشخل له ابثالث لينه ينظخ الزيت
والجيب لامنه عطي البر يطرب =ويسلي الخاطر بحلو التحاويت
واناعلى جيبي لياضقت اعصب =وتحضر ابراسي جميع العفاريت
حسبي على اللي بالزعل لي تسبب =قبل اعشقه مذكر بيوم استهميت
ومن يوم حبيته مافي حالتي طب=راحت حياتي بين ون رحت ون جيت
واثر حبيبي عايش ابدون مذهب =وانا من اول شوفة(ن) له تشهويت
لنه سراحه منظره حيل يجذب = وانا ماعمري للحلاوات مصيت
وبدا علي اشويه اشوي يخرب =لين أنني فامر الحبيب استشكيت
وبان وتبين لي علي أنه يلعب =ومن بعد ذالك عن حبيبي تخليت
وانا على ميتين من شكله اخب =وربعي سليم ونعم لامن تعزويت
اجمل بنات الكون انا اشيلهن قب =ومن طيبة ابويه وجدي ماخليت
وبعض البنات انشهد ان مالهن رب =وانا على درب الردى ماتربيت
والياذوانه والله اني اترقب =بنتً حلاها احلى من احلى الشكليت
يالله ترزقني بها اسألك يارب =وعلى النبي صلي المصلي وصليت
وسلامتكم