يامرحبـا يامرحبـا فيـه كثّريـن=ياللـي فعايلكـم اصيلـة جـدادي
ياصاحبي تسلـم لنـا دوم حيّين=لا قلت لك فعل العرب فيك بـادي
ماتكفي الابيات وبيت(ن) وبيتيـن=انتم هل الفزعه بحين الشـدادي
( ياصح لسانك ) قلتها اليوم مرتين=واقولها للآد جبريـن عـادي !!
[/QUOTE]
الله
الله
صح صح صح
السانك يابن دوسر لاهنت
والله والف مليوووون ونعم بك وبربعك جميع
ويشرفني ابيات
وشعر مثلك وشرواك
ووسام على راسي اظعه يابعدي لاهنت
كنت ابنام
قبل شوي وايوم
قريت ابياتك
طار النوم وتعدى الربع الخالي كله
ههههههههههه
واستلم ردي المتواضع
وعذرني وتعذرلي
من كل ربعك قاصي وداني
دااام البقاء بك واستلم ردي الحين=ياشاعرأ شعرك يسر الفوادي
ماهي غريبه فوقكم يالعريبين = ابيع روحي للدواسر وافادي
انتم هلا الطالات خطلان الليدين =وانتم هلا الفزعات حسب اعتقادي
وافين يالوافين وافين وافين =ياهل الكرم ياطيبين المبادي
احبكم فى الله لانكم شجيعين =يافزعة المضلوم كعم المعادي
ياهل الكرم ياهل الحسب يالأصيلين =ياهل الضفر لاجاء نهار الطرادي
ماني من سليم ولاني من الجبارين=ان كان ماحققت فيكم مرادي
انشهد انكم مرجحين الميازين =لاجا نهارن فيه نادا المنادي
فيكم كرم ماشفته اب ناس ثانين =الدوسري ماله حلى فاالبلادي
ابغى بتديكم بس من وين لاوين= من الحساء لخريص لام العرادي
والا ابتدي من وادي(ن) فيه رابين=اسمه شهيراً معتلي كل وادي
والا من اكويت النشاما العزيزين=اهل الصحيح اللي عنه ماتحادي
والا من الدوحه ودار السلاطين =اهل الحرار الصافناة الجيادي
تدرون وش اقرب لخوكم ,,البحرين=برقى بأعلى برج فيها وانادي
واكتب وولف فى الدواسر دواوين= تطرب محمد عبده, وعبادي
وقول يالغالين غالين غالين =ياعزوتي يافزعتي ياسنادي
حنا سليم اللي ترانا نزيهين = اهل الرماح الزرق واهل الهنادي
لنا بتاريخ العروبه عناوين=ياجاهل (ن) بسليم واين انت غادي
انشيل حمل(ن) ماقوته البعارين =وان شوف كل احمولها شي عادي
الجن تخشى بطشنا والشياطين=حنا قويين الجهد فاالجهادي
حنا الزعامه فوق كل الزعيمين=وحنا بصيص النور واسط السوادي
وحنا الكرم واهل الكرم والكريمين = وحنا ترانا أهل السيوف الحدادي
وحنا وحنا وانشدو عننا احنين =يشهد لنا اهل المدن واهل البوادي
في مجدنا ماضين ماضين ماضين =وعن مجد اهلنا متحدانا الحوادي
وانتم دواسر يالدواسر وانعمين =ناراً بلى , دخان ولا , رمادي
شجعان ظفران(ن) قروم(ن) قويين=ياحبني والله لكم ياسيادي
عربين ذربين(ن)واما,,,فيكم الشين =والمعذره لن كان خان اجتهادي
فيكم كرم حاتم ثلاثه ملايين=وافيكم شجاعة عنتر انتر واكادي
وافيكم فطانت كل كل الفطينين = وشجاعة ابن قرمله وابن هادي
وابن قويد ونعم سبعه ملايين =اميركم قائد لايمكن يقادي
امير شمل وكفو من قوم كفوين=حرا ينومس في نهار الهدادي
ياليت يهديني على سنت الدين =شيهانة تكبح تغطرس عنادي
واحطها فالعين واسكر العين =وايطيب لي ملحي واعيشي وزادي
ومعاد يجذبني حلى ذا االنساوين=ارتاح في جواً رومنسي وهادي
الزين ضني محد(ن) يكره الزين =لسار مثل الخوخ وال الزبادي
والي عروقه فا الثراء ويلني واين =اسير في حبه عشيق أن فرادي
وصلو على محمد شفيع المصلين = رسولنا المبعوث واخير هادي
وعذروني
على الأخطاالاملائيه
وسلامتكم يالحواة الغانمه لحيه لحيه وشنب شنب
وعذروني على تقصيرري شرواكم القصيد واهل الشعر يعجزون ان يصفون كل فعولهم في قصيده او في شعر هذا مستحيل . يبدولي فأنتم اكبر من الشعر ووصفه. والذالك لن يتمكن اي شاعرمهما كان بشعره من الوفاء لكم فيبقى عاجز وامقصر شاعره وومشاعر شاعره مهما اجتهد. ولولا الثقه في انكم ستعذرووونه لماكتب بيت واحد واخص هنا نفسي فقط
الاربعاء
28/5/2008
الساعه (2) مساءً