اقتباس:
المشاركة الأصلية كتبت بواسطة فراج بن فهد
السلام عليكم ورحمة الله وبركاته :
هذه قصيدة من أرشيف العام الماضي ,
بدايتها سالفة وسؤال , ثم مرور بأطلال ,
مما أثار لدي بعض المشاعر والذكريات :
يـا أبومناحـي جعـل تفـداك الأنــذال=هيضتنـي وأنشيـت قــافٍ جـديـدي
ويوم أبدع أبياتـي علـى روس الأقـذال=أمـا طـرب وألا غضـب ياعضـيـدي
لا أبحث عن الشهرة ولا أطرد ورى المال=يكفينـي إصغـاء الـرجـال لقصـيـدي
" صح الله لسانك " مـن أعمـاق عقّـال=أعدّهـا مثـل الذهـب فـي رصـيـدي
ولعـل بيـتٍ يرفـع الــوزن مثـقـال=لاعرضـت أعمالـي نهـار الوعـيـدي
هذا وأنا في حـال والنـاس فـي حـال=كـلٍ علـى ليلـى يـجـرّ النشـيـدي
من عادني طفـلٍ مـع جمـوع الأطفـال=وأنـا طموحـي فـي حياتـي بعـيـدي
ومدّيتنـا لأحـلامـي حـبـال وحـبـال=ميـر انقطـع بـي كـل حبـلٍ جويـدي
واليـومٍ عاينّـي علـى يابـس الجـال=ياكثـر مـن حولـي وكنـي وحـيـدي
بدون قاصـر فـي المشاكيـل الأبطـال=عصبـة بنـي عـمٍ غلاهـم وكـيـدي
لاشـك مـاكـل المواضـيـع تنـقـال=وبعـض القضايـا شرحهـا مايفـيـدي
تهشّـم العبـرة بصـدري وانـا أختـال=أكنّـهـا لـوهـي تقـطّـع وريـــدي
الدمـع مهمـا كـانـت أسبـابـه إذلال=ألا لـولـي الـعـرش رب العـبـيـدي
وأنـا عذابـي وقفتـي فـوق الأطـلال=قبـل الـغـروب بسـاعـةٍ ماتـزيـدي
كـل الأماكـن والـزوايـا والأشـكـال=يلفّهـا الحـزن العمـيـق الشـديـدي
شعـرت بالرهبـة ومـرّت علـى البـال=الذكريـات الـلـي زمنـهـا سعـيـدي
واليـوم ياويـن السـعـادة والآمــال=تحطّمـت وأضحـت ســرابٍ ببـيـدي
هذي هـي الدنيـا علـى مـرّ الأجيـال=مـادامـت لـحـيٍ عـلـى مايـريـدي
مـواكـب الأيــام نــازل ورحــال=أحـدٍ نـزل وأحـدٍ نـوى بالشـديـدي
وأيامـي أخـذت كـل غـالـي ولا أزال=وتلدّ لي وتقول : " هل من مزيـدي ؟! "
ما أقسى من الدمعـة علـى خـد رجـال=ياكـون صمتـه والضمـايـر وقـيـدي
لاواهنـي مـن يرحـل بزيـن الأعمـال=ياساجـدٍ فــي لـيـل وألا شهـيـدي
ولاواهني طفـلٍ مـع جمـوع الأطفـال=تضحـك لـه أيامـه وعيشـه رغيـدي
|
ماشالله تبارك الله
جزاله وابدااع وشاعر مخضرم
عزالله العزيز انك قندت راسي بذا القصيده الفاخره
صح الله السااااااانك
وبيض الله وجهك بياض الشاش
وسجل اعجابي و متابعتي