فر قلبي فرة اللي في الهواء مفتره=مايوردها علياني ولاجفالي
كونكوردٍ صمموها صانعين الذره=واستعدت تطوي الامتار والاميالي
واستلمها كبتنٍ تصميمها ماغره=يتفنن في قيادتها بدون إشكالي
فرها فوق المدرج مرتين ومره=لين عرض جنبها صفق الهبوب العالي
وجر قلبي جر قوسٍ في يد اللي جره=يوم جاز له الحن والراس ماهو خالي
مايشوف من السماء لوكان كبر الذره=نايشه ضيم الزمان وفاقدٍ له غالي
والفراق اكبر مصيبه والجفيا مره=تهدم الظن الكبير وتوجع الرجالي
مثل ماشفت الجفاء في عيونه المحمره=مثل قولة روح في فالك وانا في فالي
لاتذكرني إيلا احرقك الزمان بحره=وانس حتى سنترال البيت والجوالي
وانس فزعاتً توسع خاطرك وتسره=يوم تنخاني واطوح غترتي واعقالي
هـب ياهذا الزمان الله يكافي شره=بعد كان البرق برقي والخيال اخيالي