[معلومات العضو ساس العز]

شف يا اخي واختي الكريميين

إنتوا شايفين الناس هالأيام كيف قاعدين يسعون ويتفننون في طلب الرزق ..

هذا راح ياخذ قرض ودخل بالأسهم وهذاك طول يومه بمعارض السيارات والثاني
احترق وجهه بالصناعيه

وهذاك طاحت عيونه من كثر ما درس وسهر وتعلم ...
وهذا ما عاد شاف أهله من كثر ما يدور بالمخططات والمساهمات العقاريه ...
و و و و و ...

وبصراحه ما أحد يلومهم .. الكل يبي رزقه يكثر وينبسط بحياته ويريحه نفسه واهله
.. وللأسف ان البعض هاليومين تخرج من الدراسة وجلس بالبيت لا شغل ولا مشغله
ويسب ويلعن في فلان وعلان بسبب أنه مالقى مراده في وظيفة تستر عليه وتسد حاجته بس فيه شغله ناس كثير جدا جدا ما فكروا فيها .. حتى أكبر
العقليات الإستثماريه ما جت على بالهم إلا من رحم ربي ..

ايضا ً شي خاص غير المال
الذريه ياكم قلب يتمنا الذريه الصالحه ابن او ابنه يحملون اسمه يبرون فيه في حياته
ويدعون له ويتصدقون عنه بعد مماته ويذكرونه بالخير

الإحساس بالابوه او الامومه شي عظيم جميعا ً نحتاجه لاننا انفطرنا عليه

الرجل العازب يتمنى زوجه صالحه وله مواصفات بزوجة المستقبل ايضا ً

اقول لهولاء جميعا ً

ماقاله الله سبحانه وتعالى

{ فقلت استغفروا ربكم إنه كان غفارا * يرسل السماء عليكم
مدرارا * ويمددكم (بأموال) و(بنين) ويجعل لكم جنات ويجعل لكم أنهارا * }


~*¤ô§ô¤*~ الإستغفار~*¤ô§ô¤*~

: يا ناس يا عالم الإستغفار

سبب رئيس لأشياء حلوه في حياتنا ..

حاول قد ماتقدر انك ترطب لسانك بالأستغفار

لعنت فلان أستغفر

أغتبت فلان أستغفر

سويت منكر أستغفر

رأيت منكر أستغفر

لازم الاستغفار ملازمة جازمة

أشياء ياما وياما تمنيناها .. من فينا ما يحب المطر ..؟ من فينا ما يحب
المال ...؟ من فينا ما يحب يكون عنده أولاد وبنات ..؟ من فينا ما يحب
يعيش بوسط جنات وأنهار في الحياه الدنيا ..؟ هذي كلها أشياء خياليه ... وكلن يتمناها .. وماهي صعبه ولا مستحيله على رب العالمين سبحانه ...

الله قادر إنه يحققها لنا .. بس إذا حققنا المطلوب منا .. وش المطلوب
منا ..؟ شي واحد وبس .. ولا أسهل منه .. {الإستغفار} والإكثار منه ..

هذا مو كلامي ولا كلام الشيخ فلان أو المطوع فلان أو الداعيه علان
.... لا هذا كلام الله سبحانه وتعالى

في الإكثار من الإستغفار .....{استغفرالله الذي لا إله إلا هو الحي القيوم وأتوب إليه}


وسامحوني علر القصور ان بدر مني قصور