[معلومات العضو مسفر المصارير]

بسم الله الرحمن الرحيم

ما نيب جازيك في صدك وهجرانك=ودعتـــــك الله وتلقى واحـــدٍ ثاني
أتعبت الاعيان والاقدام من شانـك=وانته ولا شي سويته على شاني
فزيت لك يوم قلت اسمك وعنوانك=لو كان ماتنتمي لإسمي وعنوانــي
ما جيت ادورك ولا أطــق بيبـانـــك=ولا اترجاك مثل افلان وفلانــــــــي
انت الذي جيت لي واعلنت بلسانك=انك على شوفتي جايع وعطشاني
صدقت هرجك ومنطوقك من السانك=وأقبلت لك مندفع من كل وجداني
ما كنت أفكر يجي في يوم نسيانك=ما أنساك وانته معاهدني ما تنساني
إلا بعد ماقريت الكذب في أعيانــك=حاولت بعدك وانسى كل مـــا كانـي
خلاص مانيب متعني على شانك=ودعتك اللــه وتلقى واحــــدٍ ثانـــــي

وتقبلوا تحياتي
أبو منيــــــــــرة (( الدوسري ))