[معلومات العضو ساس العز]

إحساس لايوجد إلا في محمد بن فطيس

ومتذوقي شعره الفاخر

إليكم



..





ماهو بكيفك عقب شـيٍ حصلـي
من ذوّق المحتاج يصبر الـى احرجْـه

خليتني من حلـو حاليـك احلـي
واصبحت مدمن حب والقلب روّجْه

بين العروق وصار مافيـه " ملـي "
الا ولـه جُـرّه تمـرّه وتسهَـجْـه

وذود الغلا في عشب قلبـي تفلـي
وتراب صدري للمطر منْك ما احوجْه

يمحل الى صدّيت ويموت يـا اللـي
صديت عنّه والله احيـاه واخرجْـه

ولي خاطر ٍ يسألْك من لي ياخلـي؟
غيبتْك تلعب به وشوفتْـك تبهجْـه

ولي عين حالي دمعهـا لـك يهلـي
وانْ رحْت راحت مالح الدمع تزعجْه

غالـي ولا يحتـاج بسّـك تغلـي
غلاك اخذ قلبي وروّضْـه واسرجْـه

ولو قلت ياعينـي بصـدره تملـي
شافت خفوق ٍ حبك الذرْب توّجْـه

وماهو على كيفك عقب ما حصلـي
من ذوّق المحتاج يصبر الـى ازعجْـه

(عطيتني وجهك وانا جيـت كلـي
محروم والمحروم مـا ينعطـا وجْـه)




وسلامتكم.....