اقتباس:
|
المشاركة الأصلية كتبت بواسطة ماجد المهنا
السلام عليكم ورحمة الله وبركاته
دغش البطي
( قيصر الشعر )
مايوسَع خاطري لازعلت من القعـاد = كون سجَات النفس في الفجوج الخاليه
فوق جيبٍ لامشى في عتش وإلأ حماد = يشرح الخاطر مسيره ويسعد حاليـه
جيب فيكسار الفخامه هوايه والمـراد = مركب الناموس وأهل النفوس العاليه
زين تلَه لاغفى اللي هوى حلو الرقاد = صوب دارٍ عند أهلها وعندي غاليـه
ديرةٍ ربي سقاها من الوسمـي مـداد = لين صارت جنَةٍ عقب ماهـي باليـه
أتمشى بين ريضانهـا والعمـر مـاد = وأكحل عيوني بشوف الفياض الحاليه
رغبتي وأحبَها لازهقت مـن البـلاد = رغبةٍ تبعد دغش عن قلـوبٍ ساليـه
وليلةٍ في البر عندي كما ليـل العيـاد = ليلةٍ ترفع رصيـدي وروس أمواليـه
الله واكبرررر عليك يا دغش
دغش قبل لا اقول صح لسااانك
اعتذر منك عـ التأخير بالرد ودي اني اول من رد والغياب المتواصل
والقصيده ذي وغيرها تجبرني على تسميتك بهذا الأسم المتواضع بالنسبه لك
( قيصر الشعر )
أتمنى تقبله
وصح لسااانك يا دغش
لا هنت على كل حال
ولا خلا ولا عدم
سجل أعجابي ومتابعتي
أخوك / ماجد بن مهنا
|
الأخ العزيز الغالي وزميل الدرب والمهنه: ماجد بن مهنا
يامرحباً تراحيب السيل
يامرحباً وإعداد ماهب النسيم وماغرد الطير
الصفحة تزداد فخراً وشرفاً بمجرد مرورك عليها
ولاتعتذر لم ولن يحصل منك أي قصور فلم تتأخر ولم تقصر
ولاهنت وبيض الله وجهك ياأبيض الوجه
وصح الله أبدانك وإعتلا شآنك دنياً وآخره
وجعل من أرثك مأواهم الجنة
أما بخصوص اللقب ( قيصر الشعر ) فهو يشرفني وينومسني وكيف لا ؟؟؟
وهو من رجلٍ عزيز ومن ربعٍ عزيزين وأيضاً من شاعرٍ له مكانته بالشعر الراقي
وأي شيٍ تهديه لي فهو مقبول طالت حياتك وأنا أعتبره وسامٍ على صدري
تقبل التحايا العطره
من أخوك : دغـــــــــــش الـــــبـــــــــطــــــي